සටහන: සශිකලා මධුෂාණි, පෙබරවාරි 16,
ලෝකය(අවුට්බවුන්ඩ් ටුඩේ) : ඇමරිකා එක්සත් ජනපදයේ හිටපු ජනාධිපති ඩොනල්ඩ් ට්‍රම්ප් හා ඔහුගේ වැඩිහිටි පුතුන් සහ ඔහුගේ නම සඳහන් සමාගම ණය දෙන්නන්ට ප්‍රකාශවල වත්කම්වල වටිනාකම වංචනික ලෙස ඉදිරිපත් කිරීම සම්බන්ධයෙන් ට්‍රම්ප්ට ඩොලර් මිලියන 367ක් සහ පොලී මුදලක් අය කළ හැකි තීන්දුවක් නිකුත් කරනු ඇතැයි අපේක්ෂා කෙරේ.
මෙහිදී නඩු පවරන්නන් විනිසුරුවරයාගෙන් ඉල්ලා තිබුණේ, ට්‍රම්ප්ගේ නම සඳහන් සමාගම් ණය දෙන්නන්ට සිය වත්කම්වල වටිනාකම වංචනික ලෙස ඉදිරිපත්කිරීම හේතුවෙන් ට්‍රම්ප් මහතාට ඩොලර් මිලියන 370ක (පවුම් මිලියන 291ක) දඩයක් නියම කරන ලෙසත් ඔහුට ප්‍රාන්තයේ ව්‍යාපාර පවත්වාගෙන යාමේ හැකියාව සීමා කරන ලෙසත්ය.
ෆෝබ්ස් සඟරාවේ එක් ගණනයකට අනුව ට්‍රම්ප් මහතාගේ මුළු ශුද්ධ වටිනාකම ඩොලර් බිලියන 2.6 ක් බව ප්‍රකාශ වුවද සම්බන්ධයෙන් නීති විශාරදයින් සඳහන් කර තිබුණේ, ඩොලර් මිලියන 370ක මුදල ට්‍රම්ප්ගේ දේපළ වෙළඳාම් අධිරාජ්‍යයට විශාල ලෙස බලපෑ හැකි බවයි.
නිව් යෝර්ක් නීතිපති ලෙටිටියා ජේම්ස් උසාවියට පැවසුවේ ඩොලර් මිලියන 370 ක් ට්‍රම්ප් විසින් ව්‍යාජ ලෙස ගෙවිය යුතු සුදුසු මුදල වන අතර එය වංචනික මාර්ගවලින් උපයාගත් මුදල් ආපසු ගෙවීම ඇතුළත් මූල්‍ය දණ්ඩනයක් වන බවයි.
ට්‍රම්ප් මහතා වංචා කිරීම ප්‍රතික්ෂේප කර ඇති අතර බැංකු ඔහුගේ ආයෝජනවලින් මුදල් ඉපැයූ නිසා අපරාධයක් සිදු නොවූ බව පවසයි. ඔහු අභියාචනයක් ඉදිරිපත් කිරීමට අපේක්ෂා කරන අතර, ඉහළ අධිකරණය නඩුව සමාලෝචනය කරන තෙක් තීන්දුව අත්හිටුවනු ඇත.
