සටහන – රෂිකා හෙන්නායක
පෙබරවාරි, 24 කොළඹ (LNW): ගාල්ල කොළඹ ප්‍රධාන මාර්ගයේ වස්කඩුව කොස්ගස් හන්දිය ප්‍රදේශයේ සිදු වූ රිය අනතුරකින් එක් අයෙකු ජීවිතක්ෂයට පත්වුණු බව පොලිසිය පවසයි.
කොළඹ දෙස සිට ගාල්ල දෙසට ගමන්ගත් ලොරි රථයට ඉදිරියෙන් ධාවනය කෙරෙමින් තිබූ ත්‍රී රෝද රථයක් එකවරම දකුණට හැරවීමට යාමත් සමඟ අනතුර සිදුව තිබෙන බව පවසේ.
ත්‍රී රෝද රථය මීටර් 30 ක් පමණ ඉදිරියට ඇදී ගොස් විදුලි කණුවක සහ ලොතරැයි කූඩුවක ගැටී ඇති බව වාර්තා වේ.
අඹුසැමියන් මෙම ත්‍රී රෝද රථයේ ගමන් කර ඇති අතර සිද්ධියෙන් මියගියේ වයස අවුරුදු 33 ක් වන වස්කඩුව ප්‍රදේශයේ පදිංචිකරුවෙක් බව පොලිසිය පවසයි.
තුවාල ලැබූ කාන්තාව කළුතර ශික්ෂණ රෝහලට ඇතුළත් කර ඇති බව සඳහන් වේ.
