සටහන – රෂිකා හෙන්නායක
පෙබරවාරි, 27 කොළඹ (LNW): අද (27) අළුයම වැල්ලවත්ත ප්‍රදේශයේ හෝටලයක් අසළදී වෙඩි තැබීමක් සිදුව තිබෙන අතරවැල්ලවත්ත මුහුදු මාවත ප්‍රදේශයේ හෝටලයක් ආසන්නයේ එම වෙඩි තැබීම සිදුව තිබෙන බව පොලිසිය කියයි.
නාදුනන පුද්ගලයින් දෙදෙනෙකු විසින් යතුරුපැදියකින් පැමිණ වෙඩි තැබීම සිදුකර ඇති අතර, ඉන් කිසිවෙකුට හානි සිදුව නොමැති බව සඳහන් වේ.
පොලිසිය සැකකරන්නේ, බියගැන්වීම සදහා මෙම වෙඩි තැබීම සිදු කරන්නට ඇති බවයි.
වෙඩි තැබීම සිදුවූ ස්ථානයේ තිබී ටී 56 පතොරම් කොපු 9ක් සොයා ගෙන තිබෙන බවද පොලිසිය කියයි.
