ASK

හැමදාම කළ අයුරින් දේශපාලන මුලාවක් තුළින් තවදුරටත් රට පාලනය කරගෙන යා නොහැකි අතර දැඩි ආර්ථික,සමාජීය,දේශපාලන අර්බුදයක් උඩුදුවා ඇති අවස්ථාවක සිය බලය තහවුරු කරගැනීම වෙනුවෙන් වික්‍රමසිංහ මහතා එය භාවිතා කරමින් සිටින බව සමඟි ජන බලවේගයේ පාර්ලිමේන්තු මන්ත්‍රී හේෂා විතානගේ මහතා පැවසුවේය.

ඊළඟ අරගලය හටගන්නේ මිනිස්සුන්ට බඩගින්න දරාගැනීමට නොහැකි වීම නිසා වන අතර එය මර්දනය කිරීමට කොහෙත්ම හැකියාවක් නොලැබෙන බව සමඟි ජන බලවේගයේ පාර්ලිමේන්තු මන්ත්‍රී එස්.එම්.මරික්කාර් මහතා අවධාරණය කළේය.

එළඹෙන පෙබරවාරි 25වැනිදායින් පසු රාජපක්ෂවරු ගෙදර යැවීම සඳහා හොඳ අවස්ථාවක් ලැබෙන අතර එතෙක් සෙමෙන් යන්නැයි පාර්ලිමේන්තු මන්ත්‍රී කුමාර වෙල්ගම මහතා ජනාධිපතිවරයාට උපදෙස් දුන්නේය.

මේ වන විට ශ්‍රී ලංකා නිදහස් පක්ෂයක් නැති අතර සිටින්නේ නමක් සහ පිස්සෝ ටිකක් බවත් පක්ෂ සභාපතිවරයා ලෙස කටයුතු කරන හිටපු ජනාධිපති මෛත්‍රීපාල සිරිසේන මහතාට ඔල්මාදය බවත් හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මිය පැවසුවේය.

සේවා කිහිපයක් සඳහා ජනාධිපති රනිල් වික්‍රමසිංහ මහතා විසින් ගැසට් නිවේදනයක් නිකුත් කර තිබේ.