UN

ගාල්ල තවලම ප්‍රදේශයේ ඉන්ධන පිරවුම්හලක් අසල ඊයේ රාත්‍රියේ සිට පෝලිමේ සිටි පුද්ගලයෙකු මියගොස් තිබෙනවා.

දෙමළ ජාතික සන්ධානයේ නායකයා නිවේදනයක් නිකුත් කරමින් පවසන්නේ මෙරට පාලකයන්ට වඩා ඉන්දියාවේ පාලකයන් මෙරට ජනතාවගේ ගැටලුවලට සංවේදී වන බවයි.

මෙරට රජයේ රෝහල් පද්ධතිය සතු ඖෂධ තොග දිනෙන් දිනම සීමා වන බව වාර්තා වේ. සෞඛ්‍ය අමාත්‍යංශය පවසන්නේ රෝහල් සතු ඖෂධ තොග තවත් මාස දෙකකට පමණක් සීමා වන බවයි.

මේ වනවිට ඇමරිකානු ඩොලරයක විකුණුම් මිල රුපියල් 330 ක් දක්වා ඉහළ ගොස් තිබෙනවා. පෞද්ගලික බැංකු කිහිපයකම ඩොලරයක අගය දැක්වෙන්නේ එම ප්‍රමාණයෙනි.

ආණ්ඩුවට එරෙහිව ආරම්භ වී ඇති ජනතා විරෝධතාවල ඉදිරියෙන්ම සිටින්නේ වත්මන් ආණ්ඩුව බලයට ගෙනඒමට කැප වූ හැටනම ලක්ෂය නියෝජනය කරන පුද්ගලයන් බව පිවිතුරු හෙළ උරුමයේ නායක උදය ගම්මන්පිල මහතා පවසනවා. ආණ්ඩුව වෙනුවෙන් පෙනී සිටින කිසිදු පුද්ගලයෙකු සොයා ගැනීමට නොහැකි බවත්, ඒ අනුව වත්මන් පාලකයන් බලයේ සිටින්නේ කිසිදු ජන බලයක් නොමැතිව බවත් ගම්මන්පිල මහතා සඳහන් කරනවා.