Tag: ජනතා උද්ඝෝෂණ

ජනාධිපතිවරයා ඇතුළු ආණ්ඩුවට එරෙහිව මතුව තිබෙන ජන විරෝධය තවදුරටත් එලෙසම ක්‍රියාත්මක අතර සමාජයේ සියලුම කණ්ඩායම නියෝජනය වන පරිදි මෙම විරෝධයන් හා එක්ව සිටියි.

ජනතාව විසින් ප්‍රතික්ෂේපකර තිබෙන,පිළිකුල් කර තිබෙන මේ ආණ්ඩුවට දැන් රෙපෙයාර් කිරීමෙන් පලක් නැති අතර එය ගෙඩිය පිටින් ඉවත් කිරීම කළ යුතුව ඇති බව නැවත වරක් ජනාධිපතිවරයා වෙත පවසන බව හිටපු අමාත්‍ය විමල් වීරවංශ මහතා පැවසුවේය.

දේශපාල පක්ෂවල, සංවිධානවල මෙහෙයවීමකින් තොරව පාරට බසින ජනතාව අවධාරණය කරන්නේ ජනාධිපතිවරයා ඉල්ලා අස් වී ගෙදර යායුතු බව යැයි ජනතා විමුක්ති පෙරමුණ පවසනවා. ඒ නිසා කැබිනට් මණ්ඩලයේ ඔලුගෙඩි මාරුවක් හෝ සභාග ආණ්ඩුවක් වැනි නාටක හරහා අර්බුදයට විසඳුම් ලබාදිය නොහැකි බවයි එම පක්ෂයේ නායක අනුර කුමාර දිසානායක මහතා සඳහන් කරන්නේ.

රටේ මතුව ඇති අර්බුදකාරී තත්වය හේතුවෙන් උත්සව අවස්ථා, රැස්වීම් සඳහා සහභාගිවීමෙන් වැළකී සිටීමට මැති ඇමතිවරුන් තීරණය කර තිබෙනවා.

මේ වන විට රටේ පවතින අර්බුදකාරී තත්ත්වයට විරෝධය පළකර පාලකයින්ට එරෙහිව ඊයේ රාත්‍රියේ කොහුවල නගර මධ්‍යයේ ජනතාව එක්රැස් වී විරෝධතාවක් සංවිධානය කර තිබුණි.