Tag: වැඩවර්ජනය

මධ්‍යම තැපැල් හුවමාරුවේ සේවකයින් අද සංකේත වැඩවර්ජනයකට එක්ව සිටින අතර ඊට හේතු වී ඇත්තේ වසරකට වැඩි කාලයක් ගොඩනැගිල්ලේ විදුලි සෝපානය අක්‍රීය වී තිබීමයි.

පරිපූරක සහ අතුරු වෛද්‍ය සේවා සෞඛ්‍ය වෘත්තීය සමිති 72ක් විසින් මේ වන විට ආරම්භ අකර තිබෙන වැඩවර්ජනයට අදාළව එම ඉල්ලීම් ඉටුකිරීමේ හැකියාව පිළිබඳ වැඩබලන මුදල අමාත්‍ය ෂෙහාන් සේමසිංහ මහතා සහ සෞඛ්‍ය අමාත්‍ය රමේෂ් පතිරණ මහතා සාකච්ජාවක් පැවැත්වීමට නියමිතයි.

සාධාරණ විසඳුම් නැත්නම් අඛණ්ඩ වැඩවර්ජනයකට යොමුවන බව මාර්ග සංවර්ධන අධිකාරියේ පොදු සේවක සංගමයේ සංවිධායක ලේකම් අයි.ඩී.නිහාල් මහතා අවධාරණය කරයි.

තැපැල් දෙපාර්තමේන්තුවේ සම්පත් පෞද්ගලීකරණය කිරීම,තැපැල් සේවාව පවත්වාගෙන යාම සඳහා පුද්ගලික අංශය සම්බන්ධ කරගැනීම,සේවක අයිතිවාසිකම් කප්පාදුව සදහා සැලසුම් සකස් කිරීම ඇතුළු ඉල්ලීම් කිහිපයක් මුල් කරගෙන සමස්ත තැපැල් සේවකයන් සංකේත වැඩවර්ජනයකට යොමු වී සිටින අතර ගැටළු සඳහා විසඳුම් නොදෙන්නේ නම් අඛන්ඩ වැඩවර්ජනයක් දක්වා වෘත්තීය ක්‍රියාමර්ග ගන්නා බව ඒකාබද්ධ තැපැල් වෘත්තීය සමිති පෙරමුණේ සම කැඳවුම්කරු චින්තක බණ්ඩාර මහතා පවසයි.

කොළඹ සිට ගමන් ආරම්භ කිරීමට නියමිතව තිබූ දුම්රිය ගමන් වාර කිහිපයක් අවලංගු කර තිබෙනවා. රියදුරන් නොමැතිවීම හේතුවෙන් ගමන් වාර අවලංගු කිරීමට සිදුව ඇති බවයි වාර්තා වන්නේ.