Tag: Lanka News Web

රට මුහුණ දී සිටින අර්බුදයෙන් රට බේරා ගැනීමට වත්මන් ආණ්ඩුවට හැකි බවට රටේ බහුතර ජනතාව තුළ කිසිදු විස්වාසයක් නොමැති බව ශ්‍රී ලංකා නිදහස් පක්ෂය පවසනවා. එනිසා භාරකාර ආණ්ඩුවකට රට බාර දී වත්මන් ආණ්ඩුව ඉල්ලා අස්විය යුතු බවයි ශ්‍රීලනිපය අවධාරණය කරන්නේ.

උද්ගෝෂකයන්ට පමණක් නොව උද්ගෝෂණය වාර්තා කිරීමට පැමිණි මාධ්‍යවේදීන් පිරිසකට අමානුෂික ලෙස පොලීසිය විසින් පහර දී ඇති බවත්, පොලිස් නිළධාරීන්ගේ අමානුෂික පහරකෑමට ලක් වූ මාධ්‍යවේදීන් රෝහල්ගත කිරීම පසෙක තබා ඔවුන් මිරිහාන පොලීසිය වෙත රැගෙන ගොස් ඇති බවත් මන්ත්‍රීවරයා ප්‍රකාශ කරනවා.

එළඹෙන 03 වැනිදා රට පුරා ක්‍රියාත්මක කිරීමට නියමිත විරෝධතා සමඟ යම් නොසන්සුන්තාවක් මතු වීමේ අවදානමක් පවතින හෙයින් හෙට මධ්‍යම රාත්‍රියේ සිට රට පුරා ඇඳිරි නීතිය ක්‍රියාත්මක කිරීමේ යෝජනාවක් ඉදිරිපත්ව ඇති බව වාර්තා විය.

ඉඩම් ඔප්පු බෙදාදීම සඳහා මෙම රැස්වීම සංවිධානය කර තිබුණේ රාජ්‍ය අමාත්‍ය ශෂීන්ද්‍ර රාජපක්ෂ මහතාගේ ප්‍රධානත්වයෙනි. කෙසේ නමුත් රාජ්‍ය අමාත්‍යවරයා උත්සවය සඳහා සහභාගි වී නොමැත. ඊට හේතුවෙ රැස්වීම පැවැත්වෙන ස්ථානයේ කලුකොඩි ඔසවා විරෝධය පළකිරීමට ජනතාව කටයුතු කර තිබීම හේතුවෙනි.

ඊයේ රාත්‍රී මිරිහාන ආශ්‍රිතව සිදු වූ සිදුවීම ජාතිවාදී හෝ ත්‍රස්තවාදී සිදුවීමක් නොවන බැවින් එවැනි ලේබල් ඇලවීමෙන් වැළකී සිටින ලෙස එජාප නායක රනිල් වික්‍රමසිංහ මහතා පවසනවා. එවැනි ලේබල් ඇලවීම හරහා අර්බුදය තවදුරටත් උග්‍ර විය හැකි බවයි එජාප නායකයා සඳහන් කරන්නේ.