Tag: UNP

කොළඹ LNW:ලබන සිංහල අවුරුද්ද වෙන විට 159ක් මන්ත්‍රී ආණ්ඩුවක් නොමැති බව සිහිතබා ගත යුතු යැයි එක්සත් ජාතික පක්ෂයේ හිටපු පාර්ලිමේන්තු මන්ති වජිර අබේවර්ධන මහතා පවසයි.

”මට අපේ නායකතුමා ළඟ ඉඳලා පළපුරුද්දත් අත්දැකීම සහ ඒක අනුව මට එකක් කියන්න පුළුවන්ගො. මට නම් පේන්නේ ලබන සිංහල අවුරුද්ද වෙනකොට ලංකාවේ එහෙම ආණ්ඩුවක් නැති බව සිහිතබා ගත යුතුයි කියල මතක් කරන්න කැමතියි. ගොඩක් අමාරුයි. සෙල්ලම් කරන්න එපා. කිව්වට තේරෙන්නේ නැහැ. ඉතුරු ටික ආර්ථිකය පැත්තෙන් අපේ ජනාධිපතිතුමා කියයි. අපි ඒක දිහා බලන් ඉඳල මට තේරෙනවා ලබන සිංහල අවුරුද්දට එහෙම 159ක ආණ්ඩුවක් නැති බව ශ්‍රී ලාංකික මහජනතාව මතක තබා ගත යුතුයි කියල මතක් කරන්න කැමතියි. අපේ හැම අපේක්ෂකයෙකුටම අපේක්ෂිකාවකටම වටින දෙයක් තියෙනවා. මොකක්ද ඒ? මුළු ලෝකයම පිළිගත් ලෝකයේම රාජ්‍ය නායකයෝ සලකන රාජ්‍ය නායකයා තමයි එක්සත් ජාතික පක්ෂයේ නායකයා කියල ඔබ මතක තබා ගත යුතුයි. ඔබට වෙන මුකුත් අලෙවි කරන්න ඕනේ නැහැ. ඔබට ගිහින් ගමේ කියන්න පුළුවන්, මේ අපේ නායකයා රනිල්.ඔහෙලට බඩගිනි වුණහම කන්න දෙන්න පුළුවන් මට. ඒ කියන්නේ ඔබට. වෙන කාටවත් බෑ. බලන්නකෝ ජාතියක අවාසනාව ල්ප්කයම පිළිගන්න නායකයා ශ්‍රී ලාංකික මහජනතාව සැරිසරන හැටි. කල්පනා කරලා බලන්න.”

හිටපු පාර්ලිමේන්තු මන්ත්‍රීවරයා මෙම අදහස් දක්වා සිටියේ පළාත් පාලන මැතිවරණයට අදාළව ගාල්ලේදී පැවති ජන හමුවක් අමතමිනි.

ආශිකා බ්‍රාහ්මණ

කොළඹ LNW:පක්ෂවල ප්‍රශ්න තිබුණත් පළාත් පාලන මැතිවරණයෙන් පසු විපක්ෂයේ පක්ෂ එකට එකතු වී වැඩ කළ හැකි ස්වරුපයකට පත්විය යුතු බව පාර්ලිමේන්තු මන්ත්‍රී රවී කරුණානායක මහතා පවසයි.

එසේ නොවුණහොත් සම්පූර්ණ විපක්ෂයම එක හැන්දෙන් විනාශ වී යන බවයි මන්ත්‍රීවරයා සඳහන් කරන්නේ.

එම නිසා සැබෑ ස්වරූපය දන්නා හැමෝම ජන්දෙන් පසු එකතු වී රට ඉදිරියට ගෙන යා හැකි අලුත් දේශපාලන සංස්කෘතියක් ඇති කිරීම අවශ්‍ය බව කරුණානායක මහතා පෙන්වා දෙයි.

එමෙන්ම එක්සත් ජාතික පක්ෂය විනාශ කරමින් සිටින භූතයෝ දෙන්නා පිළිබඳව ද තීරණයක් ගත යුතුව ඇති බව රවී කරුණානායක මහතා අවධාරණය කරයි.

රනිල් වික්‍රමසිංහ මහතා ජනාධිපති වූ පසු එක් අයෙක් පාර්ලිමේන්තුව අල්ලා එජාපය විනාශ කළ බවත් අනෙක් තැනැත්තා ජනාධිපති ලේකම් කාර්යාලය අල්ලා අනෙක් පැත්තෙන් විනාශ කළ බවත් හෙතෙම තවදුරටත් කියාසිටියි.

ආශිකා බ්‍රාහ්මණ

කොළඹ LNW:තව මාස කිහිපයකින් රනිල් වික්‍රමසිංහ මහතා ජනාධිපතිවරයා ලෙස පත්වන බවත් එම ආත්ම ශක්තියෙන් තමන් සටන් කරන බවත් හිටපු අමාත්‍ය රාජිත සේනාරත්න මහතා පැවසුවේය.

රටේ බිඳ වැටුණු ආර්ථිකය යළි ගොඩගැනීමට හැකි එකම නායකයා හිටපු ජනාධිපති රනිල් වික්‍රමසිංහ මහතා බවයි රාජිත සේනාරත්න මහතා සඳහන් කළේ.

“හිර ගෙවල්වල ලැගලා හරි මේ රට මුංගෙන් මුදවලා රනිල්ගේ ප්‍රධානත්වයෙන් හදන එක්සත් ජාතික පක්ෂයක් අපි හදනවා” යනුවෙන් සේනාරත්න මහතා කියාසිටියේය.

“දැන් මේ ආර්ථිකය කඩාගෙන වැටෙනවා. එතකොට මිනිස්සුන්ට මතක් වෙනවා ආපහු මේක කාටද ගොඩනගාගන්න පුළුවන්.රෑත් වැටුනා ගෝඨාභය එක්ක වලේ. දවල්ට වැටුණා අනුරත් එක්ක වලේ. තව සජිත් එක්ක උදේ වරුවට වැටෙන්න ලෑස්ති ලෑස්ති එකේ මොලයක් තියෙන එකෙක් නෑ ලංකාවේ. එතකොට තියෙන ඉතුරු එකම විසඳුම රනිල් වික්‍රමසිංහ.මම හැමදාම කියන එකක් තමයි රනිල් වික්‍රමසිංහගේ මුහුණ දිහා බලන්න එපා. අත උස්සල අතවේව් කරන හැටිවත්,මිනිසුන්ගේ කරට අතදාන අතක් ගැන කතා කරන්න එපා. එතුමගෙ මේ හිස්කබල ඇතුලෙ තියෙන මොළය කියන එක බලන්න. අර අනිත් ඒව මොනා තිබුනත් වැඩක් නෑ ඔන්න ඔය කෑල්ල නැත්නම් නායකයෙකුට. මෙන්න මේ මොළේ තියෙන මේ රට අර්බුදයෙන් ගොඩනගාගන්න පුළුවන්,එකම නායකත්වය තියෙන්නේ රනිල් වික්‍රමසිංහට විතරයි. ඒ ආත්ම ශක්තියෙන් තමයි අපි සටන් කරන්නේ. අපි තව ඉස්සරහට යනවා මේ මැතිවරණයේදී. අපි මහා විශාල ජයග්‍රහණයක් නොලැබුවත් අපේ ජයග්‍රහණය ඉදිරියට පෙනි පෙනී තියෙනවා.අපේ රට දිනන ජයග්‍රහණය තමයි එක්සත් ජාතික පක්ෂ ජයග්‍රහණය.රනිල් වික්‍රමසිංහ ජනාධිපති කරන එක්සත් ජාතික පක්ෂ ජයග්‍රහණය වැඩි ඈතක නෑ.ඒක අවුරුදු ගණන් නැහැ. මාස ගානකින් ඒක වෙයි.ඉක්මනින්ම රනිල්ව ගේන දවස තමයි ඉක්මනින්ම අපේ රට හදන දවස. ඒක පරක්කු කරන්න කරන්න අපේ රට ප්‍රපාතයට යනවා.හිර ගෙවල් වල ලැගලා හරි මේ රට මුංගෙන් මුදවලා රනිල්ගේ ප්‍රධානත්වයෙන් හදන එක්සත් ජාතික පක්ෂයක් අපි හදනවා” යනුවෙන් හිටපු අමාත්‍යවරයා අවධාරණය කරන ලදී.

ඔහු මෙම අදහස් පළකළේ ඊයේ (21) සිරිකොත එජාප මූලස්තනයේ පැවති හමුවක් අමතමිනි.

ආශිකා බ්‍රාහ්මණ

කොළඹ LNW:පැවැත්වීමට නියමිත පළාත් පාලන මැතිවරණයට අදාළව කෝට්ටේ මහ නගර සභාවට එක්සත් ජාතික පක්ෂයෙන් තරඟ කරන අපේක්ෂකයින් ඊයේ (30) සිය පූර්ව ප්‍රචාරක කටයුතු ආරම්භ කළේය.

ඒ, කෝට්ටේ රජමහා විහාරයේදී බෝධි පූජාවක් පවත්වමින්.

ඒ සඳහා එක්සත් ජාතික පක්ෂයේ ජාතික සංවිධායක සාගල රත්නායක මහත ඇතුළු පිරිසක් එක්ව සිටියහ.

එහිදී සාගල රත්නායක මහතා පැවසුවේ මෙවර පළාත් පාලන මැතිවරණයේදී කෝට්ටේ මහ නගර සභාවට එක්සත් ජාතික පක්ෂය විශිෂ්ට ජයග්‍රහණයක් ලබා ගැනීමට බලාපොරොත්තු වෙන බවයි.

ආශිකා බ්‍රාහ්මණ

කොළඹ LNW:එක්සත් ජාතික පක්ෂයේ සිටින භූතයෝ වගේ දෙදෙනක් ඕනෑකමින් පක්ෂය දියකර හැරීමේ කුමන්ත්‍රණයක් නියැලී සිටින අතර තමන්ද සමඟි ජන බලවේගයට යන බවට වැරදි ප්‍රචාර පතුරුවන්නේ එම භූතයන් බවත් පාර්ලිමේන්තු මන්ත්‍රී රවී කරුණානායක මහතා පවසයි.

රනිල් වික්‍රමසිංහ මහතාට පසු පක්ෂයේ ජ්‍යෙෂ්ඨ පුද්ගලයා තමන් නිසා එලෙස වැරදි පුවත් ප්‍රචාරය කළද තමන්ව එහෙට මෙහෙට තල්ලු කළ හැකි පුද්ගලයෙක් නොවන බවයි කරුණානායක මහතා සඳහන් කරන්නේ.

නමුත් ජන්දයෙන් පසු පක්ෂය ඒකරාශී කරන වැඩපිළිවෙලක් ක්‍රියාත්මක කළ යුතු බවද ඔහු කියාසිටියි.

නවීන්ලා රුවන්ලා හරීන්ල මනූෂලා, අකිල මේ සියලු දෙනා පක්ෂය ඉදිරියට ගෙන යන ස්වරූපයක් තිබුණද දෙන්නෙක් රනිල් වික්‍රමසිංහ ප්‍රාණ ඇපකරුවෙකු බවට පත් කර කටයුතු කිරීමක් තිබෙන බව රවී කරුණානායක මහතා තවදුරටත් කියාසිටියි.

කෙසේවෙතත් ජන්දයෙන් පසු සැබෑ තත්ත්වය අනාවරණය වනු ඇති බවයි ඔහු පවසන්නේ.

ආශිකා බ්‍රාහ්මණ