සටහන – රුවන් නෙළුගොල්ල
වෙළඳ, වාණිජ හා ආහාර සුරක්ෂිතතා අමාත්‍ය වසන්ත සමරසිංහ මහතා සහ දේශීය ටයර් නිෂ්පාදකයින්ගේ සංගමය අතර හමුවක් පෙරේදා (දෙසැම්බර් 31) පැවැත්වී තිබේ.
එහිදී දේශීයව නිශ්පාදනය කරන්නා වූ ටයර් රට තුල තිබියදී රටේ ධනය ඩොලර් මිලයන ගණනක් වැය කොට ටයර් ආනයනය සිදු කිරීම තුලින් රට තුල ඇති ඩොලර් ප්‍රමාණයටද බලපෑමක් වී ඇති බවත්, එම ආනයනයන හේතුවෙන් ටයර් අවශ්‍ය ප්‍රමාණයටත් වඩා රට තුල පවතින බවත්, මේ හේතුවෙන් ඉදිරියේදී ආනයන කරන ටයර් සඳහා යම් සීමාවන් පැනවීමට කටයුතු කරන ලෙසත් දේශීය ටයර් නිෂ්පාදකයින් ඉල්ලා සිටි බවයි අමාත්‍යවරයා සඳහන් කරන්නේ.
එමෙන්ම ඉදිරියේදී දේශීය ටයරයක මිල සැලකිය යුතු මට්ටමකින් අඩු කිරීමට එහිදී තීරණය කෙරුණු බවත් අමාත්‍යවරයා ප්‍රකාශ කරයි.
RN
