සටහන – රෂිකා හෙන්නායක
ජනවාරි 03 කොළඹ (LNW): තම සේවාවලට බාධා කරන හෝ ලංවිම කළමනාකාරීත්වය විසින් නිකුත් කර ඇති මාර්ගෝපදේශ කඩකරමින් ක්‍රියා කරන ඕනෑම සේවකයෙකුගේ වැඩ තහනම් කර සුදුසු විනය ක්‍රියාමාර්ග ගන්නා ලෙස අමාත්‍ය කංචන විජේසේකර මහතා ලංකා විදුලිබල මණ්ඩල කළමනාකාරිත්වයට උපදෙස් ලබාදී ඇති බව සඳහන් වේ.
ලංකා විදුලිබල මණ්ඩලයේ යෝජිත ප්‍රතිසංස්කරණය අනුමැතිය සඳහා සංශෝධන සහිතව පාර්ලිමේන්තුවට ඉදිරිපත් කරන බවද ට්විටර් පණිවිඩයක් නිකුත් කරමින් අමාත්‍යවරයා සඳහන් කර ඇත.
අමාත්‍යවරයා වැඩි දුරටත් පවසන්නේ, ලංවිම විදුලි බිල අඩුකිරීමේ යෝජනාව ද ලබන සතියේ මහජන උපයෝගිතා කොමිසම වෙත ඉදිරිපත් කරන බවයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත👇👇
