සටහන – නිපුනි ලියනගේ
ජනවාරි 05, ලෝකය (අවුට්බවුන්ඩ් ටුඩේ): Covid අර්බුදය තුළ එංගලන්තයේ උපත ලබන ළදරුවන් තුළ සංජානන හැකියාව සහ සමාජ කුසලතා වර්ධනය මන්දගාමී වී තිබේ.
එම දරුවන් තවදුරටත් පසුපසට යාම වැළැක්වීමට ඉක්මන් මැදිහත්වීමක් අවශ්‍ය බව ප්‍රවීණ අධ්‍යාපන ප්‍රතිපත්ති සම්පාදක ශ්‍රීමත් ඩේවිඩ් බෙල් අනතුරු අඟවයි.
2020 හෝ 2021 දී උපත ලැබූ ළමුන් 80,000 කට අධික සංඛ්‍යාවක් පසුගිය වසරේ ඔවුන්ගේ වයස් කාණ්ඩය සඳහා ප්‍රගතියක් පෙන්නුම් නොකළ අතර නිල දත්ත වලට අනුව, සාමාන්‍යයෙන් ඔවුන්ගේ වයසේ ළමුන් තුළ දක්නට ලැබෙන සන්නිවේදන හැකියාවන් වර්ධනය නොවූ කුඩා දරුවන් 60,000 ක් පමණ ඇතුළත් වේ.
ළමා ආරක්ෂණ වියදම් නිසා බොහෝ දෙහැවිරිදි දරුවන්ට උසස් තත්ත්වයේ මුල් වසර අධ්‍යාපනය ලැබීමට නොහැකි වූ බව ද මුල් ළමාවිය අධ්‍යාපනය පිළිබඳ ලේබර්ගේ සමාලෝචනයේ මුලසුන හොබවන බෙල්, ගාඩියන් පුවත්පතට සටහනක් ලියමින් පැවසීය.
