සටහන – රුවන් නෙළුගොල්ල
ජනවාරි මාසයට අදාළව ලිට්රෝ ගෑස් මිලෙහි සංශෝධනයක් සිදුනොකරන බව ලිට්රෝ ගෑස් සමාගම නිවේදනය කර තිබේ.
ලෝක වෙළෙඳපොළේ පවතින තත්ත්වය අනුව ගෑස් මිලෙහි වැඩිවීමක් අවශ්ය වුවද රට තුළ පවතින තත්ත්වයන් සැලකිල්ලට ගනිමින් මෙම අවස්ථාවේ මිල සංශෝධනයක් සිදුනොකිරීමට තීරණය කළ බවයි එම සමාගම පවසන්නේ.
ඒ අනුව ලිට්රෝ කිලෝග්රෑම් 12.5ක ගෘහස්ථ ගෑස් සිලින්ඩරයක මිල රු. 3,690ක් ලෙසත් කිලෝග්රෑම් 5ක ගෑස් සිලින්ඩරයක මිල රු. 1,482ක් ලෙසත් කිලෝග්රෑම් 2.3ක ගෑස් සිලින්ඩරයක මිල රු. 694ක් ලෙසත් මිල ගණන් මෙම මාසය තුළ ද නොවෙනස්ව පවතී.
