රටේ ඔන්ලයින් අධ්‍යාපනයට දුරකථනයක් නැති දරුවන් මේ රටේ අප්‍රමාණ සිටින එහෙව් රටක ඒ දරුවන් පුදුමාකාර අසාධාරණයකට ලක්වන බවත් විපක්ෂ නායක සජිත් ප්‍රේමදාස මහතා පැවසීය.
විපක්ෂ නායකතුමා මේ බව සඳහන් කළේ ඊයේ (07) වව්නියාව මරවන්කුලම් පාරතිසන් විද්‍යාලයට “සක්වල” වැඩසටහනෙන් රුපියල් හත්ලක්ෂ පනස්දහසක් (රු.750,000) වටිනා සුහුරු පන්තිකාමර සඳහා ඩිජිටල් පරිගණක තිර සහ පරිගණක උපකරණ ලබා දීමේ අවස්ථාවට එක්වෙමිනි.
විෂමතාවයෙන් තොරව දරුවන්ට ඉගෙන ගැනීමට අවස්ථාව සලසාදීම පාලකයින්ගේ වගකීමක් බවයි එහිදී ප්‍රේමදාස මහතා පැවසුවේ.
රටේ ජනතාව බෙදා වෙන්කොට බලය ලබාගන්නා කිසිවෙකුට පැවැත්මක් නැති බවත් හෙතෙම සඳහන් කරන ලදී.
සමඟි ජන බලවේග රජයක් තුළ මානව අයිතිවාසිකම්,සිවිල් අයිතිවාසිකම්,ආර්ථික,සමාජීය,සංස්කෘතික ආගමික අයිතිවාසිකම් මෙන්ම අධ්‍යාපන,සෞඛ්‍ය සහ අනෙකුත් සමාජ ආරක්ෂණ අයිතිවාසිකම් මානව හිමිකමක් බවට පත්කර ඒ සියල්ල සුරක්ෂා කිරීමට කටයුතු කරන බවද ප්‍රේමදාස මහතා වඩිදුරටත් ප්‍රකාශ කළේය.
