දෙදින නිල සංචාරයක් සඳහා ශ්‍රී ලංකාවට පැමිණ සිටි එක්සත් අරාබි එමීර් රාජ්‍යයේ රජ පවුලේ සාමාජිකයකු වන ෂෙයික් මොහොමඩ් බින් මක්තුම් බින් ජුමා අල් මක්තුම් කුමරු ඇතුළු දූත පිරිස පසුගිය 13 වනදා ශ්‍රී ලංකා ආයෝජන මණ්ඩලයේ නියෝජිතයින් හමුවී සාකච්ඡා කර තිබේ.
ශ්‍රී ලංකා ආයෝජන මණ්ඩලයේ සභාපති දිනේෂ් වීරක්කොඩි මහතා ඇතුළු පිරිසක් මෙම අවස්ථාවට එක්ව සිටියහ.
එහිදී බින් මක්තුම් බින් ජුමා අල් මක්තුම් කුමරු ඇතුළු දූත පිරිස ශ්‍රී ලංකාවේ ව්‍යාපාර එක්සත් අරාබි එමීර් රාජ්‍යය තුළ ප්‍රවර්ධනය කිරීම සඳහා සහාය ලබාදෙන බව ප්‍රකාශ කර ඇත.
මීට අමතරව එක්සත් අරාබි එමීර් රාජ්‍යයේ බලශක්ති, කැණීම් සහ කෘෂිකාර්මික අරමුදල් භාවිතා කරමින් ශ්‍රී ලංකාවේ ආයෝජන සිදුකිරීමට ද ඔවුන් කැමැත්ත පළකර තිබේ.
RN
