සටහන: සශිකලා මධුෂාණී
ලෝකය(අවුට්බවුන්ඩ් ටුඩේ) ඔක්තෝම්බර් මස 29: ඊශ්‍රායල මහ මැතිවරණයේ ඡන්දවලින් 90%කට ආසන්න ප්‍රමාණයක් ගණන් කර අවසන් වුවද, නව රජයක් පිහිටුවීමට අවශ්‍ය බහුතර බලය ලබා ගැනීමට ප්‍රධාන දේශපාලන කණ්ඩායම් දෙකම මෙතෙක් සමත්ව නොමැත.
2026 ඔක්තෝබර් 28 වැනිදා නිකුත් වූ අතුරු ප්‍රතිඵල අනුව, අග්‍රාමාත්‍ය බෙන්ජමින් නෙතන්යාහුගේ කණ්ඩායමට ආසන 53ක් ද, ගාඩි අයිසන්කොට්ගේ නායකත්වයෙන් යුත් විපක්ෂ කණ්ඩායමට ආසන 48ක් ද හිමිවනු ඇතැයි අපේක්ෂා කෙරේ. ආසන 120කින් සමන්විත ඊශ්‍රායල පාර්ලිමේන්තුවේ බහුතර බලය සඳහා ආසන 61ක් අවශ්‍ය වේ.
මේ අතර, අරාබි දේශපාලන පක්ෂ දෙකට ආසන 19ක් දක්වා හිමිවිය හැකි බවට පුරෝකථනය කර ඇති අතර, එමඟින් නව රජයක් පිහිටුවීමේ සාකච්ඡාවලදී ඔවුන්ට තීරණාත්මක භූමිකාවක් හිමිවීමේ ඉඩකඩ පවතී.
තවදුරටත් ඡන්ද ගණන් කිරීම සිදුකෙරෙන බැවින් අවසන් ප්‍රතිඵල වෙනස් විය හැකිය. ඒ අනුව, ඊශ්‍රායලයේ මීළඟ රජය පිහිටුවන්නේ කවුරුන්ද යන්න පිළිබඳ අවසන් තීරණය දේශපාලන සන්ධාන ගොඩනැගීමේ සාකච්ඡා මත රඳා පවතිනු ඇත.
මෙවර ඡන්දය ප්‍රකාශ කිරීමට සුදුසුකම් ලැබූ මුළු පිරිස මිලියන 7.33ක්වන අතර ඉන් මිලියන 5.69කට වැඩි පිරිසක් එනම්, 77.7% ජන්දය ප්‍රකාශ කර තිබූ අතර මෙම ප්‍රතිශතය ඉතිහාසයේ වැඩිම ඡන්දය ප්‍රකාශ කිරීමේ ප්‍රතිශතය ලෙස සැලකෙන බව ජාත්‍යන්තර මාධ්‍ය වාර්තා කර තිබේ.
