නොරොච්චෝලේ විදුලි බලාගාරයේ අක්‍රියව පවතින විදුලි ජනන යන්ත්‍රය අළුත්වැඩියා කිරීමේ කටයුතු සිදුවෙමින් තිබෙන බව විදුලිබල අමාත්‍ය ගාමිණී ලොකුගේ මහතා පවසනවා. එම ජනන යන්ත්‍රය ජනවාරි 25 වැනිදා වනවිට යථා තත්වයට පත්වන බවත් 25 වැනිදා සිට අඛණ්ඩව විදුලිය සැපයීමට හැකිවන බවත් ඇමතිවරයා සඳහන් කරයි.
ඉන්ධන නොමැතිව වුවද 25 වැනිදායින් පසුව විදුලි සැපයුම බිඳ නොවැටෙනු ඇති බවට ලොකුගේ මහතා විස්වාසය පළ කරනවා.
තෙල් සංස්ථාව සහ විදුලිබල මණ්ඩලය අතර මතුව ඇති අර්බුදකාරී තත්වය හේතුවෙන් විදුලි ජනනය සඳහා අවශ්‍ය ඉන්ධන සපයා ගැනීමේ අර්බුදයක් මතුව ඇති අතර මේ නිසා ඊයේ දිනයේදී පැය 02 කට ආසන්න කාලයක් බැගින් විදුලි සැපයුම අත්හිටුවා තිබිණි.
නොරොච්චෝලේ යථා තත්වයට පත්වන තෙක් 25 වැනිදා දක්වා තවදුරටත් විදුලි බිඳවැටීම් සිදුවිය හැකි බවත්, කෙසේ නමුත් අඛණ්ඩ විදුලි සැපයුමක් ලබාදීමට හැකි සෑම උත්සාහයක්ම ගන්නා බවත් ගාමිණී ලොකුගේ මහතා පවසනවා.
UN
