සටහන – රුවන් නෙළුගොල්ල
හිටපු අමාත්‍යවරයකු වන අනුර ප්‍රියදර්ශන යාපා මහතා සහ ඔහුගේ බිරිඳ අපරාධ පරීක්ෂණ දෙපාර්තමේන්තුව විසින් ඊයේ (ජනවාරි 22) පස්වරුවේ අත් අඩංගුවට ගෙන තිබේ.
ඒ, 2014 වසරේදී බිංගිරිය, නාරම්මල ප්‍රදේශවල ගංවතුරින් අවතැන් වූ පුද්ගලයන්ට සහන සැලසීමේ මුවාවෙන් ඛනිජ තෙල් නීතිගත සංස්ථාව මගින් රුපියල් 6,146,110 ක මුදලක් ලබාගෙන, එම කටයුත්ත සඳහා භාවිතා නොකර එම මුදල් 2015 ජනාධිපතිවරණ ප්‍රචාරක කටයුතු සඳහා යොදවා ගැනීමේ චෝදනාව මත ය.
මෙය පොදු දේපළ පනත යටතට වැටෙන වරදක් බැවින් නීතිපතිවරයාගේ උපදෙස් අනුව මෙම අත් අඩංගුවට ගැනීම සිදුකළ බවයි පොලිස් මාධ්‍ය ප්‍රකාශක ජ්‍යේෂ්ඨ පොලිස් අධිකාරී බුද්ධික මනතුංග මහතා සඳහන් කළේ.
හිටපු අමාත්‍යවරයා සහ ඔහුගේ බිරිඳ අද (ජනවාරි 23) දිනයේදී කොළඹ මහේස්ත්‍රාත් අධිකරණයට ඉදිරිපත් කිරීමට නියමිතව ඇත.
මේ මාසය අග වනවිට පහුගිය ආණ්ඩුවල ප්‍රබලයින් කිහිපදෙනෙකු අත් අඩංගුවට ගැනෙනු ඇති බව LNW අපි මීට දින ගණනාවකට පෙරදීම අනාවරණය කළෙමු.
සබැඳි පුවත් –
