පාර්ලිමේන්තු මන්ත්‍රී නාලක ගොඩහේවා ඇතුළු විත්තිකරුවන් තුන්දෙනෙකු නිදොස් කොට නිදහස් කිරීමට කොළඹ මහාධිකරණය නියෝග කර තිබේ.
ඒ,ශ්‍රී ලංකා විනිමය හා සුරැකුම් කොමිසමේ සභාපතිවරයා වශයෙන් කටයුතු කරමින් සිටියදී “තාරුණ්‍යට හෙටක්” සංවිධානය සඳහා එම කොමිසමේ අරමුදල් වලින් රුපියල් ලක්ෂ 50ක් ලබාදීම තුළන් රජයේ මුදල් සාපරාධී පරිහරණය කළේ යැයි එල්ල වී තිබුණු චෝදනාවෙනුයි.
පැමිණිල්ල විසින් විත්තිකරුවන්ට එරෙහි චෝදනා ඔප්පු කිරීම සඳහා ඉදිරිපත් කළ සාක්ෂි ප්‍රමාණවත් නොවන හෙයින් ඔවුන් එලෙස නිදොස් කොට නිදහස් කර තිබේ.
නාලක ගොඩහේවා මහතා සමඟ නිදොස් කොට නිදහස් වූ අනෙක් විත්තිකරුවන් වන්නේ විනිමය හා සුරැකම්පත් කොමිසමේ හිටපු නියෝජ්‍ය අධ්‍යක්ෂ ජනරාල් ධම්මික පෙරේරා සහ තාරුණ්‍යට හෙටක් සංවිධානයේ රොනී ඊබ්‍රහිම් යන අයයි.
මෙම නඩුව ගොනු කරන ලද්දේ පසුගිය යහපාලන කාලයේ නීතිපතිවරයා විසිනි.
දීර්ඝ නඩු විභාගයකින් අනතුරුව මහාධිකරණ විනිසුරු අමල් රණරාජා මහතා විසින් එම තීන්දුව ප්‍රකාශයට පත් කර ඇත.
ASK
