වත්මන් පාර්ලිමේන්තුව නියෝජනය කරන මන්ත්‍රීවරුන් අතරින් 30%ක පමණ පිරිසක් ඉදිරි පාර්ලිමේන්තු මැතිවරණයට තරග නොකිරීමට සලකා බලමින් සිටින බව වාර්තා වේ.
ඔවුන් මුහුණ පා සිටින ආර්ථික ප්‍රශ්න හා වෙනත් ගැටලු මීට හේතුවී ඇති බව සඳහන්.
විශේෂයෙන්ම මන්ත්‍රීවරුන්ට තීරුබදු රහිත වාහන බලපත්‍ර නිකුත් කිරීම තාවකාලිකව නවතා දමා ඇති නිසා පළමු වරට පාර්ලිමේන්තුවට තේරී පත්වූ නවක මන්ත්‍රීවරුන් අතරින් බොහෝ පිරිසකට සිය මැතිවරණ ප්‍රචාරක වියදම් පියවා ගැනීමට නොහැකි වී ඇති බවත් ඔවුන් වාහන බලපත්‍රය විකිණීමෙන් මැතිවරණ වියදම පියවා ගැනීමට අපේක්ෂාවෙන් සිට ඇති බවත් වාර්තා විය.
ඒ අනුව මහමැතිවරණයට පෙර වාහන බලපත්‍රය නොලැබුණහොත් මැතිවරණයට තරග නොකිරීමට බොහෝ දෙනෙකු තීරණයට කර ඇති බවත් දැනටමත් පාර්ලිමෙන්තුවේ සේවා අංශයට පැමිණෙන බොහෝ නවක මන්ත්‍රීවරුන් වාහන බලපත්‍රය සම්බන්ධයෙන් විමසීම් කරන බවත් වාර්තා විය.
කෙසේවෙතත් මන්ත්‍රීවරුන්ට තීරුබදු රහිත වාහන බලපත් ලබාදීමට මෙතෙක් තීරණයක් ගෙන නොමැති අතර වාහන ආනයනකරුවන්ට වාහන ආනයනයට තවමත් අවසර ලබාදීමක් සිදුකර ද නැත.
RN
