ජනාධිපති රනිල් වික්රමසිංහ මහතාට 13 වැනි ආණ්ඩුක්රම ව්යවස්ථා සංශෝධනය සම්පූර්ණයෙන්ම ක්රියාත්මක කිරීමට සිදුව ඇත්නම් එය එසේම ක්රියාත්මක කිරීමට සිදුවන බවත් තමන්ටත් ඊට සහාය දීමට සිදුවන බවත් රාජ්ය අමාත්ය දිළුම් අමුණුගම මහතා පවසයි.
“ඔය 13 වැනි සංශෝධනයේ තියෙන සියලු කාරණා පහුගිය ජනාධිපතිවරු හෝ පහුගිය රජයන් 100% ක් ක්රියාත්මක කෙරුවේ නෑ. අපේ රජයත් ඒක 100% ක් ක්රියාත්මක කෙරුවේ නෑ, යම් මතයක් රටේ තිබුණු නිසා ඒක ක්රියාත්මක කෙරුවොත් බෙදෙනවායි කියලා. ඉතින් ඒක හිටපු නායකයින්ගෙ මතය, මේක අලුත් ජනාධිපතිතුමාගෙ මතය. හිටපු ජනාධිපතිතුමාව ගෙදර යවලා තමයි මෙතුමාව පත්කෙරුවේ. අර මතය කියන කෙනා ගෙදර යැව්වා නම් මේ මතය කියන කෙනාගෙ එක ක්රියාත්මක කරන්න ඕනෙ. වෙන කරන්න දෙයක් නෑනෙ. ඉතින් රජයන්, රටවල් අමාරුවෙ දාපුවාම ජනතාව සහ කණ්ඩායම්, ඒ අමාරුවෙ වැටීම තුළ රටවල්වලට අත්වෙන ඉරණම් තියෙනවා. ඒ අනුව මෙතුමාට 13 ක්රියාත්මක කරන්න වෙනවා නම්, නොකරන්න හිටපු අය යැව්වා නම් එතකොට ඒක ක්රියාත්මක කරන්නත් වෙනවා, අපට සහයෝගය දෙන්නත් වෙනවා. කරන්න දෙයක් නෑ. දැන් කෑගැහුවාට වැඩක් වෙන්නෙ නෑ”
අමාත්ය දිළුම් අමුණුගම මහතා මේ බව පැවසුවේ ඊයේ (31) දිනයේදී මාධ්යවේදීන් නැඟූ ප්රශ්නයකට පිළිතුරු ලබාදෙමිනි.
~ රුවන් නෙළුගොල්ල
