අමාත්ය මහින්ද අමරවීර මහතා සහ හිටපු පාර්ලිමේන්තු මන්ත්රී තිලංග සුමතිපාල මහතා එක්සත් ජනතා නිදහස් සන්ධානයේ මහලේකම් ධුරයෙන් ඉල්ලා අස්වී තිබේ.
නව සන්ධානයක් පිහිටුවීමට අදාළ කටයුතු හේතුවෙන් අදාළ තනතුරින් ඉල්ලා අස්වන ලෙස ඔවුන් දෙදෙනාටම , ශ්රී ලංකා නිදහස් පක්ෂ නායක හිටපු ජනාධිපති මෛත්රීපාල සිරිසේන මහතා විසින් දැනුම් දී තිබුණු අතර ඒ අනුව ඔවුන් දෙදෙනාම සිය ඉල්ලා අස්වීමේ ලිපි මෛත්රීපාල සිරිසේන මහතාට භාරදී ඇති බව සඳහන්.
ආණ්ඩුවට එක්ව අමාත්ය ධුරයක් භාරගැනීම හේතුවෙන් මහින්ද අමරවීර මහතාව එජනිස මහලේකම් ධුරයෙන් ඉවත් කෙරුණු අතර තිලංග සුමතිපාල මහතාව එම තනතුරට පත්කෙරිණි.
ඊට එරෙහිව අමරවීර මහතා නීතිමය ක්රියාමාර්ග ගෙන තිබුණු අතර මැතිවරණ කොමිසම දැනුම් දී තිබුණේ ඔවුන් දෙදෙනාගෙන් කිසිවෙකුත් පක්ෂ මහලේකම්වරයා වශයෙන් පිළිනොගන්නා බවකි.
ඒ අනුව නව සන්ධානය සඳහා බුලත් කොළය ලකුණින් යුත් එක්සත් ජනතා නිදහස් සන්ධානයේ නම භාවිතා කිරීමට නම් ඔවුන් දෙදෙනාම තනතුරින් ඉවත්ව නව මහලේකම්වරයකු පත්කර ගතයුතු බවයි ශ්රීලනිප නායක මෛත්රීපාල සිරිසේන මහතා සඳහන් කර තිබුණේ.
RN
