රෂිකා හෙන්නායක පෙබරවාරි 03, කොළඹ (LNW):
එක්සත් අරාබි එමීර් රාජ්‍යය මෙරට වරාය හා ගුවන්සේවා සඳහා ආයෝජනයට එකඟතාව පල කර ඇතැයි ප්‍රවාහන, මහාමාර්ග,වරාය හා සිවිල් ගුවන්සේවා අමාත්‍යාංශය පවසයි.
අමාත්‍ය බිමල් රත්නායක සහ ශ්‍රී ලංකාවේ එක්සත් අරාබි එමීර් රාජ්‍ය තානාපති ඛලීඩ් අල් අමේරි යන මහත්වරුන් අතර පැවැති විශේෂ හමුවකදී ඒ බව අනාවරණවී ඇති බව, එම අමාත්‍යාංශය සඳහන් කළේය.එහිදී , ශ්‍රී ලංකාවේ එක්සත් අරාබි එමීර් රාජ්‍ය තානාපතිවරයා ගුවන් පර්යන්තයක් සඳහා ආයෝජනයට ද, එකඟතාව පළ කර තිබේ.
ජනාධිපති අනුර කුමාර දිසානායක මහතා මේ මාසයේ මැද භාගයේ දී එක්සත් අරාබි එමීර් රාජ්‍යයේ නිල සංචාරයක නිරත වීමට නියමිත බව ප්‍රවාහන, මහාමාර්ග, වරාය හා සිවිල් ගුවන්සේවා අමාත්‍යංශය පැවසුවේය.
අමාත්‍යාංශය නිවේදනය කළේ , එම සංචාරය පිළිබඳවත් තානාපතිවරයා අමාත්‍ය බිමල් රත්නායක මහතා සමග සාකච්ඡා කළ බවයි.
