කෝවිඩ්-19 ඔමික්‍රෝන් වසංගත තත්වය සීඝ්‍ර වශයෙන් පැතිර යාම තුළ ජපානයේ තෝකියෝ අගනුවරින් වාර්තා වන දෛනික රෝගීන් සංඛ්‍යාව 20,000 ද ඉක්මවා ගොස් ඇත.මෙය වසංගතය ආරම්භයේ පටන් වාර්තා වන වැඩිම දෛනික කෝවිඩ් ආසාදිතයන් සංඛ්‍යාවයි.
රෝහල්වල ධාරිතාවයෙන් 50%කට වඩා කෝවිඩ් රෝගීන්ගෙන් පිරී යාම තුළ තෝකියෝ මෙට්‍රොපොලිටන් රෙගුලාසිවලට අනුව හදිසි තත්වයක් ප්‍රකාශයට පත් කළ හැකිය.
මේ සතියේ සඳුදා දිනය වන විට මේ අගය 49.2% දක්වා ඉහළ ගොස් තිබිණි. එයින් වැඩි පිරිස දැඩි සේ රෝගාතුර වූ අය බව ද සඳහන්.
ජපන් අගමැති ෆුමියෝ කිෂිදා හදිසි තත්වයක් ප්‍රකාශයට පත් කිරීමට ඉඩ ඇති බවට ඉඟි කර තිබේ.
