සටහන – රෂිකා හෙන්නායක
පෙබරවාරි , 04 කොළඹ (LNW): හුංගම පොලිස් වසමට අයත්, තිස්ස – මාතර ප්රධාන මාර්ගයේ කිවුල ප්රදේශයේදී වෑන් රථයක් සහ මෝටර් රථයක් එකිනෙක ගැටීමෙන් සිදුවූ අනතුරකින් 07 දෙනෙකු තුවාල ලබා රෝහල් ගතකර ඇති බව වාර්හා වේ.
අද පෙරවරු 11ට පමණ මෙම අනතුර සිදුව ඇත.
මෙසේ අනතුරට ලක්ව ඇත්තේ තංගල්ල ප්රදේශයේ පදිංචිකරුන් පිරිසක් ගමන්ගත් මෝටර් රථයක් හා හුංගම දෙණිය ප්රදේශයේ පිරිසක් ගමන්ගත් වෑන් රථයක් බවද වාර්තා වේ.
අනතුර සිදුවන අවස්ථාවේදී මෝටර් රථයේ සිටි 05 දෙනෙකු හා වෑන් රථයේ සිටි දෙදෙනෙකු තුවාල ලබා තංගල්ල ,අඟුණුකොළපලැස්ස හා හම්බන්තොට මහ රෝහලට ඇතුලත් කර තිබෙන අතර, අනතුර සම්බන්ධයෙන් හුංගම පොලිස් ස්ථානයේ රථවාහන අංශය විසින් පරීක්ෂණ පවත්වන බව පැවසේ.