සටහන – නිශ්මං රණසිංහ
පෙබරවාරි, 07 කොළඹ (LNW): ගාල්ල දඩල්ල ගෘහස්ථ ක්‍රීඩා සංකීරණයේ ක්‍රියාත්මක කරන ශ්‍රී ලංකා ජාත්‍යන්තර බැඩිමින්ටන් අභියෝගතා සූරතාවලියේ අද පිරිමි යුගල සහ කාන්තා යුගල තරග ආරම්භ වීමට නියමිතයි.එසේම පිරිමි කේවල,කාන්තා කේවල සහ මිශ්‍ර යුගල තරගවල දෙවන වටයේ තරගත් අද ආරම්භ වෙනවා.කේවල පිරිමි තරග සඳහා අද ශ්‍රී ලංකාව නියෝජනය කරමින් විරෙන් නෙත්තසිංහ,බුවනෙක ගුණතිලක,ලෝචන ද සිල්වා සහ රසින්ද හෙන්දහේවා සහභාගි වීමට නියමිතව සිටිනවා.
කාන්තා කේවල තරග අංශයෙන් තරග වැදීමට නියමිතව ඇත්තේ රනිත්මා ලියනගේ යි.එසේම මිශ්‍ර යුගල තරග සඳහා සහභාගි වූ ශ්‍රී ලංකා ක්‍රීඩක ක්‍රීඩිකා යුගල අතරින් නිතරග ජය ලැබූ යුගල තුනක් ද අද දෙවන වටයට එක්වීමට නියමිතයි.
ඡායාරූපයේ දැක්වෙන්නේ අද පැවත්වෙන පිරිමි ඒකල දෙවන වටයේ තරග නියෝජනය කරන සහ පිරිමි යුගල තරගවලදී පිරිමි යුගලයක් ලෙස ශ්‍රී ලංකාව නියෝජනය කරමින් තරග වැදීමට නියමිත බුවනෙක ගුණතිලක සහ විරේන් නෙත්තසිංහ යි.
