සටහන – නිශ්මං රණසිංහ
පෙබරවාරි, 08 කොළඹ (LNW): ශ්‍රී ලංකාව වෙනුවෙන් ජාත්‍යන්තර එක්දින තරගයකදී පළමු ද්විත්ව ශතකය වාර්තා කිරීමේ භාග්‍යය පැතුම් නිශ්ශංකට හිමි වුණා.ඒ අද පල්ලෙකැලේ පැවත්වෙන ඇෆග්නිස්තානයට එරෙහිව පැවති ඇෆ්ගනිස්තාන සංචාරයේ පළමු එක්දින තරගයේදී යි.
පන්දු 136 දී පැතුම් ලකුණු 200 වාර්තා කළ අතර ශ්‍රී ලංකා ඉණිම කඩුලු 3 ට ලකුණු 381 ක් ලබා සිටියදී නිමාවන විට පැතුම් ලකුණු 210 ක් ලබා නොදැවී සිටියා.මීට ප්‍රථිම ශ්‍රී ලාංකිකයෙකු ජාත්‍යන්තර එක්දින තරගයකදී වාර්තා කළ වැඩිම ලකුණු සංඛ්‍යාව වී තිබුණේ සනත් ජයසූරිය ඉන්දියාට එරෙහිව සාජා හී දී වාර්තා කළ ලකුණු 189 වන අතර සනත් ඒ සඳහා පන්දු 161 ට මුහුණ දී සිටියා.එහෙත් අද ලකුණු 210 ක් නොදැවී රැස් කරන්නට පැතුම් නිශ්ශංකට වැය වුණේ පන්දු 129 ක් පමණයි.
මෑතකදී මුරලිදරන් විසින් ශ්‍රී ලංකාවට තරගයක් දිනවිය හැකි ක්‍රීඩකයින් එකල මෙන් දැන් නොමැති බව කියා තිබුණු අතර නිතර සමාජ මාධ්‍ය ජාලාවල එය හුවමාරු වෙමින් තිබෙන මොහොතක පැතුම් අලුත් වීඩියෝවකට සමාජ මාධ්‍ය ඇතුළත ඉඩ හසර විවර කරමින් ශ්‍රී ලංකාවේ ක්‍රිකට් ගැන විහ්වාසය තහවුරු කරන ඉණිමක නිරත වුණා.
බොහෝ විචාරකයින් සහ ක්‍රීඩාවේ ඇතැම් ප්‍රවීනයින් කොදෙව් ටෙස්ට් තරගයකට සහභාගි වෙමින් පළමු තරගයේදීම ශතකයක් ලබා ගත් මේ කුඩා සිරුරු සහිත ක්‍රීඩකයා එක්දින සහ විස්සයි විස්ස තරග ව්‍යහුයට නොගැලපෙන බව විශ්වාස කළ අතර මේ සටහන තන්නා ද සිටියේ එවැනි මතයකයි.නමුත් ඒ මතයන් පසු කළකදී අභියෝගයට ලක් කරමින් එක්දින පිටියේ සහ විස්සයි විස්ස පිටියේ දී ප්‍රවේගකාරී පිතිකරුවෙක් ලසෙ අවධානයට ලක් වූ පැතුම් අද සිය ලකුණු 210 සඳහා හයේ පහර අටක් සහ හතරේ පහර 20 ක් ඇතුළත් කර ගනු ලැබුවා.එහි ප්‍රහාරාත්මක් වේගය සටහන් වුණේ 151.-7% ක් ලෙසයි.
