හිටපු ජනාධිපති, එක්සත් ජාතික පක්ෂ නායක රනිල් වික්‍රමසිංහ මහතා සහ ඉන්දීය අග්‍රාමාත්‍ය නරේන්ද්‍ර මෝදි මහතා අතර හමුවක් පෙබරවාරි 27 වනදා පැවැත්වීමට නියමිත බව වාර්තා වේ.
ඉන්දීය අග්‍රාමාත්‍යවරයාගේ ආරාධනයක් අනුව මෙම හමුව පැවැත්වෙනු ඇති බව සඳහන්.
දැනට එක්සත් රාජධානියෙහි සංචාරයක නිරත වී සිටින රනිල් වික්‍රමසිංහ මහතා එම සංචාරය නිමවා ශ්‍රී ලංකාවට පැමිණීමෙන් අනතුරුව දින හතරක සංචාරයක් සඳහා ඕමාන් රාජ්‍යයට යාමට නියමිතව ඇත.
එම ඕමාන සංචාරයෙන් පසු ඒ මහතා ඉන්දියාව බලා යාමට නියමිත අතර එහිදී ඉන්දීය අග්‍රාමාත්‍යවරයා හමුවීමට නියමිත බවයි ආරංචිමාර්ග සඳහන් කළේ.
