මර්දනය මඟින් මිනිසුන්ගේ හිතේ තිබෙන වේදනාව,අප්‍රසාදය,වැළැක්විය නොහැකි බව ආචාර්ය සිරිල් ගාමිණි පියතුමා පැවසූහ.
පියතුමන් මේ බව සඳහන් කළේ සමාජ ක්‍රියාකාරිකයෙකු වන ෂෙහාන් මාලක මහතාව අපරාධ පරීක්ෂණ දෙපාර්තමේන්තුව විසින් අත්අඩංගුවට ගැනීම සම්බන්ධයෙන් පැවති මාධ්‍ය හමුවේදීය.
පවතින සැකය සහ බය වන්නේ මේ රට යමින් තිබෙන්නේ ඒකාධිපතිවාදයකට යන්න බව පියතුමා සඳහන් කළහ.
”ප්‍රජාතන්ත්‍රවාදය සම්පූර්ණයෙන්ම අහුරලා,ප්‍රජාතන්ත්‍රවාදය විනාශ කරලා,මිනිසුන්ගේ අයිතිවාසිකම් නැතිකරලා තමන්ට ඕන දේ පමණක් කරන්න පුළුවන් නම් එවැනි වටපිටාවක් හදල ඒකාධිපති රටක් බවට පත්කිරීමේ වෑයමක් මේක ඇතුලේ තියෙනවද කියන සැකය අපිට ඇතිවෙනවා. ඒ නිසා අපි සියලු දෙනාගෙන් ඉල්ලාසිටින්නේ මේ නිදහස,අයිතිවාසිකම් මේ රටේ ආරක්ෂා වෙන්න අවශ්‍යයි. ඒවා නැති වෙන තැන්වලදී අපි හැමකෙන්කෙම අපිට තිබෙන අයිතිවාසිකම් වෙනුවෙන් නැගී සිටීමත් අවශ්‍යයි.” යනුවෙන් සිරිල් ගාමිණි පියතුමා වැඩිදුරටත් ප්‍රකාශ කරන ලදී.
ASK