කොළඹ LNW:ශ්‍රී ලංකාවේ පැවැත්වීමට නියමිත ඉදිරි ජනාධිපතිවරණයේ දී වත්මන් ජනාධිපති රනිල් වික්‍රමසිංහ මහතා වෙනුවෙන් තම සහය ලබා දෙන බව ආරක්ෂන රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා පවසයි.
තමන් එවැනි තීරණයක් ගත්තේ ආර්ථික වශයෙන් රට වැටී තිබුණ මොහොතේ රට භාර ගැනීමට කිසිම නායකයකු ඉදිරිපත් නොවූ අවස්ථාවේ එම අභියෝගය භාර ගෙන මේ දක්වා සාර්ථකව අපේ රට යම් ස්ථාවරත්වයකට පත් කර ගැනිමට අවශ්‍ය නායකත්වය ලබා දි තිබෙන හෙයින් යැයි තෙන්නකෝන් මහතා කියා සිටියි.
”මෙය මාගේ පෞද්ගලික තීරනණයයි. මෙය මා නියෝජනය කරන පක්ෂයේ තීරණය නොවේ. අපේ පක්ෂයෙන් අපේක්ෂකයකු ඉදිරිපත් කරනවා ද නැත්නම් අපි වෙනත් අපේක්ෂකයකු සමග සන්ධානගත වෙනවාද කියලා අපේ පක්ෂය තවම තීරණය කර නැහැ. එම නිසා රට ගැන සිතා මම රනිල් වික්‍රමසිංහ මැතිතුමා වෙනුවෙන් මගේ සහය ලබා දෙනවා.” යනුවෙන් රාජ්‍ය ආරක්ෂක අමාත්‍යවරයා තවදුරටත් කියා සිටියි.
රාජ්‍ය අමාත්‍යවරයා මේ අදහස් පළකළේ ඊයේ (15) පැවති මාතලේ දිස්ත්‍රික්කයේ පළාත් පාලන ආයතන නියෝජිත පිරිසක් හමුවේ අදහස් දක්වමිනි.
ASK
