සටහන – රෂිකා හෙන්නායක
පෙබරවාරි, 24 කොළඹ (LNW):සනත් නිශාන්ත මහතාගේ පශ්චාත් මරණ පරික්ෂණ වාර්තාව අධිකරණ වෛද්‍ය නිලධාරියා මෙතෙක් අධිකරණයට යොමු කර නොමැති බැවින්, හිටපු රාජ්‍ය අමාත්‍ය සනත් නිශාන්ත මහතාගේ මරණයට හේතුව මේ අවස්ථාවේදී ප්‍රකාශයට පත් කිරීමේ හැකියාවක් නැති බව වැලිසර මහේස්ත්‍රාත් තුසිත ධම්මික උඩුවවිදාන මහතා පවසා ඇත,
සනත් නිශාන්ත මහතාගේ මරණයට හේතුව ප්‍රකාශයට පත් කරන්නැයි මෙම මරණය සම්බන්ධයෙන් ගොණු කළ නඩුව විභාගයට ගත් අවස්ථාවේදී සනත් නිශාන්ත මහතාගේ බිරිඳගේ අයිතිවාසිකම් වෙනුවෙන් පෙනී සිටි නීතිඥ ධනරාජ් සමරකෝන් මහතා ප්‍රකාශ කර ඇත.
මහේස්ත්‍රාත්වරයා එහිදී කියා සිටියේ, පශ්චාත් මරණ පරික්ෂණ වාර්තාව අධිකරණ වෛද්‍ය නිලධාරියා මෙතෙක් අධිකරණයට යොමු කර නැති බැවින්, මෙම මරණයට හේතුව මෙම අවස්ථාවේදී ප්‍රකාශයට පත් කිරීමේ හැකියාවක් නැති බවයි.
