සටහන – පුලී
පෙබරවාරි 25, ලෝකය (අවුට්බවුන්ඩ් ටුඩේ): වකුගඩු හා පෙනහළු ආබාධයක් සම්බන්ධයෙන් සතියකට වැඩි කලක් පුරාවට රෝහල් ගතව සිටින ෆ්‍රැන්සිස් පාප් වහන්සේ තවමත් අසාධ්‍ය තත්ත්වයේ පසුවන නමුත් ඔහුට රෝහල් විවේකීව සිට වැඩ කටයුතු නැවත ආරම්භ කිරීමට හැකි වූ බව වතිකානුවෙන් ඉකුත් සඳුදා පස්වරුවේ ප්‍රකාශයක් ඉදිරිපත් කරන ලදී.
“ශුද්ධ වූ පියතුමන්ගේ සායනික තත්ත්වය බරපතල වුවද සුළු දියුණුවක් පෙන්නුම් කරන බව” ද “උදෑසන ඔහු දිව්‍ය සත්ප්‍රසාදය ලබා ගත් අතර දහවල් ඔහු වැඩ කටයුතු නැවත ආරම්භ කළ බව” යනුවෙන් ද වැඩිදුරටත් එම ප්‍රකාශයේ සඳහන් කෙරිණි.
මේ වනවිට ෆ්‍රැන්සිස් පාප් වහන්සේ සාමාන්‍ය පරිදි ආහාර ගන්නා බවත්, මීට අමතරව සෞඛ්‍ය තත්ත්වය යහපත් වී තිබේද යන්න පිළිබඳව වෛද්‍යවරු වැඩිදුර තොරතුරු ලබා නොදුන් බවත් දැනගන්නට හැකි විය.
ෆ්‍රැන්සිස් පාප් වහන්සේ පෙබරවාරි 14 වැනි දින රෝහලට ඇතුළත් කිරීමෙන් පසුව පෙනහළුවල නියුමෝනියා තත්ත්වයක් හටගෙන ඇති බවට හඳුනා ගැනීමෙන් පසු එතුමන්ගේ සෞඛ්‍ය තත්ත්වය පිළිබඳව කාගේත් අවධානය යොමු විය.
සමහරු එතුමන් ස්වර්ගස්ත වූ බව ද පවසමින් විවිධාකාරයේ බොරු මවමින් කටකතා පැතිරීමට ද සලස්වා තිබුණි.
පාප් වහන්සේ ගේ සෞඛ්‍ය තත්ත්වය ගැන සුභ ලකුණක්!
Date:
