ඉසුරු පරාක්‍රම
කොළඹ (LNW): ජනාධිපති රනිල් වික්‍රමසිංහ ඇතුළු ආණ්ඩුව විසින් පළාත් පාලන මැතිවරණය ව්‍යවස්ථා විරෝධී සහ අනීතික ලෙස කල් දැමීමට එරෙහිව විරෝධය පාමින් ජාතික ජන බලවේගය විසින් සංවිධානය කළ විරෝධතා පාගමන මේ වන විට ආරම්භ වී තිබේ.
ජාතික ජන බලවේගයේ සහ ජනතා විමුක්ති පෙරමුණේ නායක පා.ම. අනුර කුමාර දිසානායක මහතා ඇතුළු එම පක්ෂයේ නායකයන් රැසක් මීට සහභාගී වී ඇති අතර, එම විරෝධතාව කොළඹ නෙලුම් පොකුණ අසලින් ආරම්භ වී ඇති බවයි වාර්තා වෙන්නේ.
මීට ඉහත කොටුව මහේස්ත්‍රාත් අධිකරණය විසින් මෙම විරෝධතා පාගමන කොළඹ ප්‍රදේශයේ ගොඩනැඟිලි කිහිපයකට ඇතුළු වීම සහ කොටුව පොලිස් වසමට අයත් මාර්ගවල අවහිරතා ඇතිවන අන්දමින් පැවැත්වීම වළකාලමින් අධිකරණ නියෝගයක් නිකුත් කර තිබිණි.
