මේ වන විට පවතින ඩීසල් හිඟය නිසා පෞද්ගලික බස් රථ ධාවනය සීමා කර තිබෙන අතර ලංකා ගමනාගමන මණ්ඩලයේ ඩිපෝ හරහා හෝ ඩීසල් ලබා දීමට කටයුතු කරන ලෙස රජයෙන් ඉල්ලා සිටින බව පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න මහතා පැවසුවේය.
ඒ, අද (28) පවතින ඩීසල් අර්බුදය සම්බන්ධයෙන් මාධ්‍යයට අදහස් දක්වමිනි.
අමාත්‍යවරයා ඊයේ දින පොරොන්දු වූ පරිදි පෞද්ගලික බස් රථ සඳහා අවශ්‍ය ඩීසල් ලබා දීම වෙනුවෙන් අවශ්‍ය මැදිහත්වීම කරනු ඇති බවට බලාපොරොත්තු වෙන බවයි විජේරත්න මහතා කියා සිටියේ.
කෙසේවෙතත් ඉන්ධන පිරවුම්හල් තුළ පෞද්ගලික බස් රථ සඳහා ප්‍රමුඛතාව ලබා දීමට කටයුතු කරන ලෙසද ඔහු රජයෙන් ඉල්ලා සිටියේය.
ASK
