රාගම වෛද්ය පීඨ නේවාසිකාගාරයට කඩා පැන වෛද්ය සිසුන් පිරිසකට පහරදීමේ සිදුවීම සම්බන්ධයෙන් විමර්ශනය සඳහා පත්කළ කමිටුවේ වාර්තාව ජනාධිපති ගෝඨාභය රාජපක්ෂ මහතා වෙත බාර දී තිබෙනවා.
ජනාධිපති මාධ්ය අංශය නිකුත් කළ නිවේදනයක සඳහන්ව තිබෙන්නේ අදාල සිදුවීම සම්බන්ධයෙන් හිටපු රාජ්ය අමාත්ය අරුන්දික ප්රනාන්දු මහතාට එල්ල වූ චෝදනා ඔප්පු වී නොමැති බවයි. ඒ අනුව හිටපු රාජ්ය අමාත්යවරයා නිර්දෝෂී බව කමිටුව සිය වාර්තාවෙන් පෙන්වා දෙනවා.
වාර්තාව වැඩිදුරටත් පවසන්නේ අදාල පහරදීම පිළිබඳව අරුන්දික ප්රනාන්දු මහතා කිසිවක් නොදන්නා බවයි. ඒ අනුව මෙම පහරදීම සිදුව තිබෙන්නේ අරුන්දික ප්රනාන්දු මහතාගේ අනුදැනුම මත හෝ මෙහෙයවීම මත හෝ නොවන බවට කමිටුව සිය වාර්තාවෙන් ප්රකාශ කරයි.
මෙම පහරදීම සම්බන්ධයෙන් අරුන්දික ප්රනාන්දු මහතාගේ පුත්රයාට චෝදනා එල්ල වූ පොලිස් අත්අඩංගුවට පත් වූ ඔහු රක්ෂිත බන්ධනාගාර ගත කෙරිණි. පසුව ඔහු ඇපමත මුදා හැරීමට අධිකරණය තීරණය කළේය.
මෙම ප්රහාරය සඳහා අරුන්දික ප්රනාන්දු මහතාගේ රාජ්ය අමාත්යංශයට අයත් වාහනයක් භාවිතා කර තිබූ අතර මේ නිසා අරුන්දික ප්රනාන්දු මහතා සිය රාජ්ය අමාත්ය ධුරයෙන් ඉල්ලා අස්වීමට කටයුතු කළේය.
UN
