සටහන: සශිකලා මධුෂාණි
මාර්තු 07; ලෝකය(අවුට්බවුන්ඩ් ටුඩේ) : එලෝන් මස්ක් විසින් මිනිසුන් සඳට සහ අඟහරු වෙත යැවිය හැකි රොකට්ටුවක් තැනීමේ උත්සාහයේ අදියරක් වශයෙන් දියත් කරන ලද SpaceX හි ස්ටාර්ෂිප් දෙවන වරටත් පුපුරා ගොස් ඇති බව වාර්තා වේ.
ඊයේ(06)දිනයේදී SpaceX හි ස්ටාර්ෂිප් අභ්යවකාශ යානය ටෙක්සාස් සිට ගුවන්ගත වීමෙන් මිනිත්තු කිහිපයකට පසු පුපුරා ගිය අතර, එය එලොන් මස්ක්ගේ අඟහරු රොකට් වැඩසටහන සඳහා මෙම වසරේ අඛණ්ඩව දෙවන අසාර්ථකත්වයයි.
SpaceX සමාගම පැවසුවේ තම කණ්ඩායම ආරක්ෂක නිලධාරීන් සමඟ සම්බන්ධීකරණය කරමින් සිටින බවත් පිපිරීමට මූලික හේතුව තේරුම් ගැනීමට පියාසැරි දත්ත සමාලෝචනය කරන බවයි.
