විමල් වීරවංශ, උදය ගම්මන්පිල යන හිටපු අමාත්‍යවරු දෙදෙනා සහ මුදල් අමාත්‍ය බැසිල් රාජපක්ෂ මහතා අතර පෞද්ගලික මත ගැටුමක් පැවති අතර එය විටින් විට මතු වූ නමුත් ඒ කෝන්තරය කුමක්දැයි යන්න නිශ්චිත ලෙස නොදන්නා බව ඉඩම් අමාත්‍ය එස්. එම්. චන්ද්‍රසේන මහතා පැවසුවේය.
කැබිනට් මණ්ඩලයේදී පවා එම කෝන්තරය ඉස්මතු වූ බව අමාත්‍යවරයා සඳහන් කළේය.
එම හිටපු ඇමතිවරුන් පවසන පරිදි රටේ නරක තත්ත්වයක් ගොඩනැගීමට බැසිල් රාජපක්ෂ මහතාට වුවමනාවක් තිබේ නම් ඔහුට මොළේ කුමක් හෝ අසනීපයක් තිබිය යුතු බවටයි අමාත්‍යවරයා සඳහන් කළේ.
බැසිල් රාජපක්ෂ මහතා සම්බන්ධයෙන් එම හිටපු අමාත්‍යවරුන්ගේ ප්‍රකාශ අසාධාරණ බවද ඔහු කියා සිටියේය.
අමාත්‍යවරයා මේ බව ප්‍රකාශ කළේ අද (08) ශ්‍රී ලංකා පොදුජන පෙරමුණේ ප්‍රධාන කාර්යාලයේදී පැවති මාධ්‍ය හමුවේදීය.
ASK
