කොළඹ LNW:රෝයල් පාක් ඝාතන සිද්ධිය සම්බන්ධ නඩුවේ විත්තිකරුට ලබා දුන් ජනාධිපති සමාව අහෝසි කිරීමෙන් අනතුරුව ගෙවීමට නියම වූ රුපියල් මිලියනයක වන්දි මුදල හිටපු ජනාධිපති මෛත්රීපාල සිරිසේන මහතා විසින් නොගෙවීම නිසා ඔහුට දඩුවම් නොකිරීමට හේතු දක්වන ලෙස දන්වා මෛත්රිපාල සිරිසේන මහතා වෙත නොතීසි නිකුත් කරන ලෙස අද ශ්රේෂ්ඨාධිකරණය කරන ලද නියෝගයෙන් සුළු වෙලාවකට පසුව හිටපු ජනාධිපතිවරයා විසින් එම වන්දි මුදල ගෙවීමට කටයුතු කර තිබේ.
ඒ බව ඔහුගේ නීතිඥවරු අද (11) ශ්රේෂ්ඨාධිකරණයට දැනුම් දී ඇත.
එම වන්දි මුදල් ගෙවා නොමැති බවට ඉදිරිපත් වූ කරුණු සලකා බැලූ ත්රිපුද්ගල ශ්රේෂ්ඨාධිකරණ විනිසුරු මඩුල්ල ඒ සම්බන්ධයෙන් ලබන අප්රේල් මස 29 වැනිදා අධිකරණය හමුවේ පෙනී සිට දඩුවම් නොකිරීමට හේතු දක්වන ලෙස දන්වා මෛත්රිපාල සිරිසේන මහතා වෙත නොතීසි නිකුත් කරන මෙන් නියෝගයක් නිකුත් කළේය.
එම තීන්දුව නිකුත් කර ස්වල්ප වේලාවකින් පසුව අධිකරණය හමුවේ පෙනී සිටි මෛත්රිපාල සිරිසේන මහතා වෙනුවෙන් පෙනී සිටි ජනාධිපති නීතිඥ ෆයිසර් මුස්තාපා මහතා අධිකරණය හමුවේ කරුණු දක්වමින්සේ සිය සේවාදායකයා විසින් අදළ වන්දි මුදල ගෙවා තිබෙන බව දැනුම් දුන්නේය.
අනතුරුව මෝසමක් මාර්ගයෙන් එම දැනුම්දීම සිදුකරන ලෙස විනිසුරු මඩුල්ල ජනාධිපති නීතිඥවරයාට දන්වා ඇත.
ආශිකා බ්රාහ්මණ
