ඉහළ පෙළේ වෘත්තිකයින්ගේ වැටුප් මත අය කරන බද්ද සම්බන්ධයෙන් එම වෘත්තිකයින්ගේ වෘත්තීය සමිති සහ මුදල් අමාත්‍යාංශ ලේකම්වරයා අතර ඊයේ (10) පැවති සාකච්ඡාව එකඟතාවකින් තොරව අවසන් වී තිබේ.
ඒ අනුව ලබන සඳුදා (13) සිට අඛණ්ඩ වැඩවර්ජන ක්‍රියාමාර්ගයකට එළඹෙන බවයි වෘත්තියවේදීන්ගේ වෘත්තිය සමිති සම්මේලනය පවසන්නේ.
එම සාකච්ඡාවෙන් අනතුරුව අදහස් දැක්වූ රජයේ වෛද්‍ය නිලධාරීන්ගේ සංගමයේ ලේකම් හරිත අලුත්ගේ මහතා,
“අපි වැඩ වර්ජන ක්‍රියාමාර්ගයක් ආරම්භ කරනවා. බස්නාහිර, මධ්‍යම, දකුණ හා නැගෙනහිර පළාත්වල සියලුම රෝහල් සඳුදා උදේ 8 සිට අකර්මණ්‍යයි. අඟහරුවාදා සෙසු පළාත් වර්ජනයට එක් වෙනවා. අඟහරුවාදාත් විසඳුමක් නොලැබුණොත් බදාදා උදේ 8 සිට අඛණ්ඩ වෘත්තිය සමිති ක්‍රියාමාර්ගයක් ඉදිරියට ගමන් කරනවා ඇති.”
RN
