සටහන – රෂිකා හෙන්නායක
මාර්තු 13, ලෝකය (අවුට්බවුන්ඩ් ටුඩේ): යුරෝපා සංගමය නිවේදනයක් නිකුත් කරමින් පවසන්නේ, ගාසා ජනතාවගේ කුස ගින්න මේ වන විට අවියක් කර ගෙන ඇති බවයි.
යුරෝපා සංගමයේ විදේශ ප්‍රතිපත්ති ප්‍රධානියා නිවේදනය කරන්නේ, ගාසා තීරයට ප්‍රමාණවත් තරම් මානුෂිය ආධාර නොලැබෙන බවයි.
සයිප්‍රසයේ සිට ගාසා තීරය වෙත මානුෂිය ආධාර රැගත් නෞකාවක් පසුගිය දා පිටත්ව ගිය අතර එම ආධාර ගොඩබිම තුළ බෙදා හැරීමට සුදුසු වාතාවරණයක් නොමැති බව ඔහු පවසයි.
තවදුරටත් සඳහන් කරන්නේ , ගාසා තීරයට ඊශ්‍රායලය අඛණ්ඩව සිදුකරන ප්‍රහාරයන් හමුවේ මානුෂිය ආධාර බෙදා හැරීම සිදුකිරීමට නොහැකි වී ඇති බවයි .
මේ අතර ගාසා තීරය හමාස්වරුන්ගෙන් තොර කලාපයක් බවට පත් කිරීම සඳහා තමා අවසන් මොහොත වන තුරු සටන් කරන බව ඊශ්‍රායල අග්‍රාමාත්‍යවරයා නිවේදනය කරනවා.
