ගෝලීය ප්‍රතිචක්‍රීයකරණ දිනය අදට (18) යෙදී තිබෙන අතර ,මෙවර එහි තේමාව වී ඇත්තේ “නිර්මාණශීලි නවෝත්පාදනයයි”.
පරිසර අමාත්‍යාංශයේ ලේකම් වෛද්‍ය අනිල් ජාසිංහ මහතා සඳහන් කළේ , ප්‍රතිචක්‍රීයකරණය කළ නොහැකි අපද්‍රව්‍ය එක් රැස් කිරීම සඳහා අද (18) සිට විශේෂ ක්‍රමවේදයක් සකස් කිරීමට පියවර ගන්නා බවයි . ඒ සඳහා හෝමාගම,පිටිපන ප්‍රදේශයේ ස්ථානයක් ආරම්භ කර ඇති අතර එමගින් ජනතාවට ආදායමක් උපයාගත හැකි බවද ඔහු පැවසීය .
තවද, ප්‍රතිචක්‍රීයකරණය කළ නොහැකි අපද්‍රව්‍ය එක්රැස් කිරීම සඳහා බස්නාහිර පළාතේ ජංගම රථයක් යොදා ඇති බව ද වෛද්‍ය අනිල් ජාසිංහ මහතා ප්‍රකාශ කළේ ය.
රෂිකා හෙන්නායක
