සටහන – රෂිකා හෙන්නායක
මාර්තු 20, කොළඹ (LNW): රේගු නිලධාරීන්ගේ සංගමය විසින්, රේගු වෘත්තිය ක්‍රියාමාර්ගය තාවකාලිකව අවසන් කිරීමට තීරණය කර ඇති බව වාර්තා වේ.
රේගු වෘත්තිය සමිති පසුගිය දින පහ පුරා, වෘත්තිය ක්‍රියාමාර්ගයක නිරතව සිටියේ රේගු ගිණුමක් මහා භාණ්ඩාගාරය යටතට පවරා ගැනීමට විරෝධය පළ කරමිනි.
එනිසා රේගු නිෂ්කාශණ ඒකකයේ බාහලුම් 2000කට ආසන්න ප්‍රමාණයක් සිරවී දැඩි ගැටලු තත්ත්වයක් ද මතු වුණා.
මේ පිළිබඳ රේගු වෘත්තිය සමිති , රාජ්‍ය අමාත්‍ය රංජිත් සියඹලාපිටිය මහතා සමඟ සාකච්ඡා කර ඇති අතර, වෘත්තිය ක්‍රියාමාර්ගය තාවකාලිකව නතර කිරීමට තීරණය කළ බව රේගු මාධ්‍ය ප්‍රකාශක සීවලි අරුක්ගොඩ මහතා ප්‍රකාශ කළේය.
