මෙගාවොට් 350ක ධාරිතාවයකින් යුත් “සොබාදනවි” ස්වභාවික ද්‍රවිකෘත වායු (LNG) විදුලි බලාගාරය තුළින් ලබන වසර වනවිට මෙගාවොට් 200 ක් ජාතික විදුලි පද්ධතියට එක්කිරීමට බලාපොරොත්තු වෙන බව විදුලිබල අමාත්‍ය පවිත්‍රා වන්නිආරච්චි මහත්මිය අවධාරණය කරයි.
ශ්‍රී ලංකාවේ පළමු ස්වභාවික වායු බලාගාර ව්‍යාපෘතියවන කෙරවලපිටිය “සොබාදනවි” L.N.G. විදුලි බලාගාරයේ නිරීක්ෂණ චාරිකාවකට එක්වෙමිනුයි අමාත්‍යවරිය මේ බව සඳහන් කළේ.
මෙම බාලාගාරය ඉතා දිගු කාලයක් ඉදිකිරීම ප්‍රමාද වූ ව්‍යාපෘතියක් වන අතර නිසි කලට මෙම බලාගාරය ඉදිකිරීමට සමත්වූවානම්, අද රට මුහුණ දී තිබෙන විදුලි අර්බුදය ඇති නොවෙන්නට ඉඩතිබුණා යැයි ද අමාත්‍යවරිය කියා සිටියේය.
