කොළඹ LNW:ජනාධිපතිවරණය මේ වසරේ ඔක්තෝබර් මුල් සතියේ ව්‍යවස්ථානුකූලව පවත්වන බව ජනාධිපති රනිල් වික්‍රමසිංහ විසින් දැනුම් දී තිබෙන බව වාර්තා වෙයි.
ජනාධිපතිවරයා මේ සම්බන්ධයෙන් කැබිනට් අමාත්‍යවරුන්ට දැනුම්දී ඇති බවයි වාර්තා වුණේ.
ඒ අනුව ජනාධිපතිවරණය මේ වසරේ ඔක්තෝබර් මුල් සතියේ සෙනසුරාදා (05) දිනයේ දී ව්‍යවස්ථානුකූලව පැවැත්වෙන බව සඳහන්.
කෙසේවෙතත් මේ ගැන මැතිවරණ කොමිසම වෙත නිල දැනුම් දීමක් මෙතෙක් සිදුකර නැහැ.
ව්‍යවස්ථානුකූලව වත්මන් ජනාධිපති රනිල් වික්‍රමසිංහ මහතාගේ ධූරකාලය සැප්තැම්බරය වන විට අවසන් වන හෙයින් ජනාධිපතිවරණය පැවැත්වීම වැළැක්විය නොහැකියි.
කෙසේවෙතත් ශ්‍රී ලංකා පොදුජන පෙරමුණ මේ වන විට දැඩි උත්සහයක් ගනිමින් සිටින්නේ ජනාධිපතිවරණයට පෙර මහ මැතිවරණය පවත්වා ගැනීම සඳහා වුවද ඊට ජනාධිපතිවරයාගේ පාර්ශවයෙන් සැලකිය යුතු සහයක් පොහොට්ටුව වෙත ලැබී නැති බවද සඳහන්.
ASK
