කොළඹ ජාතික රෝහල තුළ සිදු කරන පරීක්ෂණ සීමා කරන ලෙස රෝහල් පරිපාලනය, සියලු අංශ ප්රධානීන් වෙත දැනුම් දී තිබෙනවා. පරීක්ෂණ කට්ටල හිගවීම හේතුවෙන් මෙම තීරණයට එළඹ තිබේ.
ඒ අනුව අත්යවශ්ය පරීක්ෂණ පමණක් රෝහල තුළ සිදු කරන අතර දෛනිකව සිදු කරන පරීක්ෂණ විශාල ප්රමාණයක් අත්හිටුවීමට සිදුව තිබේ.
රට මුහුණ දී සිටින දැවැන්ත ඩොලර් අර්බුදය හේතුවෙන් ආනයන කටයුතුවලට දැඩි බලපෑම් එල්ල වී ඇති අතර මේ නිසා රෝගීන්ගේ පරීක්ෂණ සඳහා අවශ්ය පරීක්ෂණාගාර කට්ටල ආනයනය කිරීමටද නොහැකි වී තිබේ.
මීට පෙර වාර්තා වී තිබුණේ පේරාදෙණිය ශික්ෂණ රෝහලේද පරීක්ෂණ කටයුතු සම්පූර්ණයෙන්ම අත්හිටුවා ඇති බවයි. කෙසේ නමුත් මෙරටට පැමිණ සිටින ඉන්දීය විදේශ අමාත්යවරයාගේ මැදිහත්වීම මත කඩිනමින් එම රෝහලේ පරීක්ෂණ කටයුතු යළි ආරම්භවීමට නියමිතව තිබිණි.
ආනයනය අර්බුදය හේතුවෙන් මේ වනවිට දැඩි ඖෂධ හිගයක්ද රටතුළ මතුව තිබේ. මේ නිසා අත්යවශ්ය ඖෂධ පවා හිග වී ඇති බවයි ඖෂධ ආනයනකරුවන් පවසන්නේ.
UN
