වර්තමානයේදී රටේ පවතින තත්වය ඉතාමත් අභියෝගාත්මක බව සෞඛ්‍ය ඇමති කෙහෙළිය රඹුක්වැල්ල මහතා පවසනවා. පවතින තත්වය පිළිබඳව මැනවින් සිතා බලා කටයුතු කළයුතු බවයි ඇමතිවරයා පවසන්නේ.
හෙට දවසේදී සිදුවන්නේ කුමක්ද යන්න පිළිබඳව ඇමතිවරයෙක් ලෙස තමාටද වැටහීමක් නොමැති බව පෙන්වා දෙන රඹුක්වැල්ල මහතා, ගමන් බිමන් යන්නේද යම් තැතිගැනීමකින් බවද පවසනවා.
මාතලේ දිස්ත්‍රික් මහ රෝහලේ ඔක්සිජන් වායු උත්පාදන ඒකකය ආරම්භ කිරීමේ අවස්ථාවට සහභාවෙමින් ඇමතිවරයා මාධ්‍ය වෙත මේ බව සඳහන් කළේය.
ආණ්ඩු පාර්ශ්වයේ මන්ත්‍රීවරුන් පිරිසක් ස්වාධීනවීමට සූදානම් වන්නේදැයි මාධ්‍යවේදීන් සිදුකළ විමසීමට ප්‍රතිචාර දක්වමින් ඇමතිවරයා සඳහන් කළේ රට අභියෝග රැසකට මුහුණ දී සිටින මෙවැනි අවස්ථාවක සිදුකළ යුත්තේ ආණ්ඩුවෙන් ඉවත්ව රට තවත් අර්බුදයකට බඳුන් නොකර තිබෙන ගැටලු සාකච්ඡා මාර්ගයෙන් විසඳා ගතයුතු බවයි.
UN
