*
දේශීය පුවත් විස්තරය: සාරාංශය 04/10
- වසර ගණනාවක් තිස්සේ පැණ නැගුණු ආර්ථික ගැටළු සහ ප්‍රතිපත්ති අත්වැරදීම් වලින් අනතුරුව ශ්‍රී ලංකාව ප්‍රතිසංස්කරණ සඳහා කැපවී ඇති බව ජාත්‍යන්තර මූල්‍ය අරමුදලේ මෙහෙයුම් ප්‍රධානී පීටර් බෘවර් පවසයි – කැපී පෙනෙන බදු කප්පාදු කිරීම් සහ ප්‍රතිසංස්කරණ සිදුකිරීම සඳහා වූ ප්‍රමාදය ආර්ථික අර්බුදයට හේතු වී ඇති බව ද පවසයි – වත්මන් ආර්ථික අර්බුදයට ප්‍රධාන හේතුව වී තිබෙන්නේ, ජාත්‍යන්තර මූල්‍ය අරමුදලේ වැඩසටහනක් අනුගමනය කරන අතරවාරයේ 2016 – 2019 කාලය තුළ ලබා ගෙන ඇති ඇ.ඩො. බිලියන 12.5 ක අතිවිශාල ජාත්‍යන්තර ස්වෛරී බැඳුම්කර ණය බවට බොහෝ විශ්ලේෂකයෝ මත පළ කරති.
- ශ්‍රී ලංකාවේ ණය ප්‍රතිව්‍යූහගත කිරීමේ ක්‍රියාවලියට චීනය සහභාගී වී සිටීම බලාපොරොත්තු ගෙනෙන සංඥාවක් බවට එක්සත් ජනපදයේ භාණ්ඩාගාර ලේකම් ජැනට් යෙලෙන් පවසයි – මීට ඉහත අවස්ථාවක, අනෙකුත් ණයහිමියන් ද සමඟ ණය ප්‍රතිව්‍යූහගතකරණය කිරීමේ ක්‍රියාවලියකට සම්බන්ධවන මෙන් හිටපු චීන අග්‍රාමාත්‍ය ලී කෙඛියාංග් විසින් ද බහු-පාර්ශ්වික ආයතනවලින් ඉල්ලීමක් කර තිබිණි.
- ආයෝජන මණ්ඩලයට අයත් සමාගම්වලින් අවම සියයට 30ක් වත් ප්‍රමාණයෙන් අඩුවෙමින් පවතින අතර, බොහෝ සමාගම් අලුත් අවුරුදු නිවාඩුවෙන් පසුව යළි ආරම්භ නොවීමට ඉඩ ඇති බව නිශ්පාදකයන්ගේ සමාගමේ සභාපති ධම්මික ප්‍රනාන්දු පවසයි – කුඩා හා මාධ්‍ය පරිමාණ ව්‍යාපාර අංශයේ ව්‍යාපාර සියයට 40 කින් වත් වැසී යාමේ අවදානමක් ඇති බව පවසයි – අලුතින් පැනවූ බදු දැඩි සේ සැලකිල්ලට ගත යුතු බව ද පවසයි – මෙම වසරේ පළමු භාගය තුළ රැකියාවන් 30,000 – 50,000 පමණ අහිමි වීමේ අවදානමක් පවතින බව ද අනතුරු අඟවයි.
- ජනාධිපති රනිල් වික්‍රමසිංහ මීළඟ ජනාධිපතිවරණයට තරඟ වදින්නේ නම් ඔහුට තම පූර්ණ සහාය ලබා දෙන බව ආයෝජන ප්‍රවර්ධන රාජ්‍ය අමාත්‍ය දිලුම් අමුණුගම පවසයි – බරපතල අර්බුදයකින් රට මුදවා ගැනීමේ අභියෝගය ජනාධිපතිවරයා විසින් අභීතව භාරගත් බවත්, වසරක කාලයක් තුළ රට ස්ථාවර කිරීමට ඔහු සමත් වූ බවත් පවසයි.
- 2022 අප්‍රේල් 12 වන දින සිට ණය නොගෙවා සිටීමට මහ බැංකු අධිපති නන්දලාල් වීරසිංහ ගත් තීරණය හමුවේ ආණ්ඩුව සිතාමතාම ජාත්‍යන්තර මූල්‍ය අරමුදල හා සම්බන්ධ වූ බවට ජාතික ජන බලවේගයේ නායක පා.ම. අනුර කුමාර දිසානායක පවසයි.
- 2022 හි ශ්‍රී ලංකාවේ සිදුවූ සියයට 7.8 ක ආර්ථික හැකිලීමෙන් අනතුරුව 2023 දී ද සියයට 4.3 කින් ආර්ථිකය හැකිලෙනු ඇති බවට ලෝක බැංකුව පුරෝකථනය කරයි – ඉල්ලුම දිගින් දිගටම යටපත් වෙමින් පවතින අතර, රැකියා සහ ආදායම් අහිමිවීම තීව්‍ර වී ඇති බවත්, සැපයුම් අංශයේ ඇති සීමාවන් නිශ්පාදනයට බරපතල අන්දමින් බලපා ඇති බවත් පෙන්වා දෙයි – ලක්ෂ පහක රැකියා අහිමි වී ඇති අතර, තවත් ලක්ෂ 27 ක ජනතාව දුගීභාවයට පත්ව ඇති බව ද පවසයි.
- ණය ප්‍රතිව්‍යූහගත කිරීමේ ක්‍රියාවලිය අවසාන කළ පසු, ශ්‍රී ලංකාවට අලුතින් ලබා දෙන ජාත්‍යන්තර ණය සඳහා ඇපකරුවකු ලෙස චීනය කටයුතු කරනු ඇතැයි තමා අපේක්ෂා කරන බව, රජයේ ණය උපදේශකයකු සහ එක්සත් ජනපදයේ කුප්‍රකට මූල්‍ය වංචනිකයකු වන රාජ් රාජරත්නම් නැමැත්තාගේ ගැලියන් අරමුදලේ (Galleon Fund) හිටපු අධ්‍යක්ෂකවරයකු වන ආචාර්ය ඉන්ද්‍රජිත් කුමාරස්වාමි පවසයි – හැමිල්ටන් රිසර්ව් බැංකුවට (Hamilton Reserve Bank) ලැබීමට නියමිත යැයි කියන ණය මුදලකට අදාළව එක්සත් ජනපදයේ අධිකරණයක් විසින් ලබා දුන් නියෝගය හැරුණු විට ණය ප්‍රතිව්‍යූහගත කිරීමේ ක්‍රියාවලියට බාධාවක් එල්ලවන බවක් තමාට නොදැනෙන බව පවසයි – මැයි මාසය වන විට ලෝක බැංකුවෙන් මුදල් ලැබෙනු ඇති බවත්, ආසියානු සංවර්ධන බැංකුව ද හැකි ඉක්මනින් මුදල් ලබා ගැනීමට උත්සාහ දරමින් සිටින බවත් පවසයි.
- MV X-Press Pearl ව්‍යසනයෙන් අගතියට පත්වූ බටහිර වෙරළ තීරයේ ධීවර ජනතාවට වන්දි වශයෙන් රු. මිලියන 1,514 ක් ලබා දීමේ කටයුත්ත රජය ආරම්භ කරනු ඇති බවට ධීවර අමාත්‍ය ඩග්ලස් දේවානන්ද පවසයි.
- යෝජිත ත්‍රස්ත විරෝධී පනතට විරෝධය දක්වන පිරිස් බැහැර කිරීමට අධිකරණ අමාත්‍ය විජේදාස රාජපක්ෂ කටයුතු කරයි – ත්‍රස්ත ක්‍රියාවලට සම්බන්ධ වීමට අදහසක් නොමැති අය ත්‍රස්ත විරෝධී පනත ගැන වධ විය යුතු නැති බව ද පවසයි.
- ඉන්දීය ප්‍රිමියර් ලීග් තරඟාවලියේ ප්‍රමුඛතම කණ්ඩායම වන චෙන්නායි සුපර් කිංග්ස් ශ්‍රී ලංකා ක්‍රිකට් ක්‍රීඩකයන් වන මහීෂ් තීක්ෂණ සහ මතීෂ පතිරණ ඔවුන්ගේ කණ්ඩායමට බඳවා ගනියි – තීක්ෂණ ඉකුත් වාරයේ පැවති තරඟය සඳහා පළමු වරට සහභාගී වූ අතර, චෙන්නායි සුපර් කිංග්ස් නායක එම් එස් දෝනි විසින් PowerPlay සඳහා භාවිතා කරන ලදී.
