සටහන – රෂිකා හෙන්නායක
අප්රේල් 14, කොළඹ (LNW):සංස්කෘතික කටයුතු අමාත්ය විදුර වික්රමනායක මහතාගේ උපදෙස් මත සංස්කෘතික කටයුතු අමාත්යාංශය පරීක්ෂණයක් ආරම්භ කර තිබේ. ඒ අවුරුදු ගීතයක් විකෘති කර, සමාජ මාධ්ය ඔස්සේ සංසරණය කිරීම පිළිබඳව සිද්ධියක් සම්භන්ධවයි.
එලෙස විකෘති කර ඇත්තේ, රෝහණ බැද්දගේ මහතා විසින් ගායනා කරන අවුරුදු ගීතයක් බව පැවසේ.
සංස්කෘතික කටයුතු අමාත්යාංශයේ ලේකම් සෝමරත්න විදානපතිරණ මහතා සඳහන් කළේ, විකෘති කළ ගීතය සමාජ මාධ්යයට මුදාහැරි පුද්ගලයින් පිළිබඳව සොයා බලා වාර්තාවක් දෙන්නැයි, විදුලි සංදේශ නියාමන කොමිෂන් සභාවට උපදෙස් දුන් බවයි.
සංස්කෘතික කටයුතු අමාත්යංශයේ ලේකම්වරයා ප්රකාශ කළේ, ඒ අනුව අදාළ ගීතය විකෘති කළ පුද්ගලයින්ට එරෙහිව නීතිමය පියවර ගන්නා බවයි.
