සටහන: සශිකලා මධුෂාණි
අප්රේල් 15; ලෝකය(අවුට්බවුන්ඩ් ටුඩේ): ඉරාකයේ මධ්යම සහ දකුණු ප්රදේශ හරහා වැලි කුණාටුවක් හමා යාමෙන් පසු 1,000 කට අධික පිරිසකට ශ්වසන අපහසුතා ඇති වී ඇති බව එරට සෞඛ්ය අංශ සඳහන් කර තිබේ.
මේ සම්බන්ධයෙන් ප්රාදේශීය මාධ්ය වාර්තා කර තිබුණේ, ප්රදේශ තැඹිලි පැහැති මීදුමකින් වැසී ඇති බවත්, විදුලි විසන්ධි කිරීම් සහ ගුවන් ගමන් අත්හිටුවීම් වාර්තා කර ඇති බවත්ය.
දකුණු ඉරාකයේ මුතාන්නා පළාත, නජාෆ් පළාත, ධි කාර් සහ බස්රා පළාත්වලින් ස්වසන අපහසුතා ඇති රෝගීන් වාර්තා වී ඇති අතර නජාෆ් සහ බස්රා පළාත්වල ගුවන්තොටුපළ වසා දැමීමට පවා සිදුව ඇත.
නිතිපතා වැලි කුණාටු, දැඩි තාපය සහ ජල හිඟයට මුහුණ දෙන බැවින් දේශගුණික විපර්යාසයන්ට වඩාත් ගොදුරු විය හැකි රටවල් පහෙන් එකක් ලෙස ඉරාකය එක්සත් ජාතීන්ගේ සංවිධානය විසින් ලැයිස්තුගත කර ඇත.
