සටහන: සශිකලා මධුෂාණි
අප්රේල් 15; ලෝකය(අවුට්බවුන්ඩ් ටුඩේ): ඉන්දියාවේ සහ පකිස්ථානයේ වෙසෙන මිලියන සංඛ්යාත ජනතාව මාරාන්තික තාප තරංගයකට මුහුණ දෙමින් සිටින බව වාර්තා වේ.
සෑම වසරකම මැයි සහ ජුනි මාසවල ඉන්දියාවට හා පකිස්ථානයට බලපාන තාප තරංගයන් මෙම වසරේ නියමිත කාලයට පෙර පැමිණ ඇති අතර මෙම සාමය දිගු කාලයක් පවතිනු ඇතැයි පුරෝකථනය කර ඇත.
රටේ කාලගුණ විද්යා දෙපාර්තමේන්තුවට අනුව, අප්රේල් 14-18 අතර කාලය තුළ පකිස්ථානයේ සමහර ප්රදේශවලට සාමාන්ය මට්ටමට වඩා සෙල්සියස් අංශක 8 ක් දක්වා තාපය ඉහල යාමට ඉඩ ඇති අතර රටේ නිරිතදිගින් පිහිටි බලුකිස්තානයේ උපරිම උෂ්ණත්වය සෙල්සියස් අංශක 49 (ෆැරන්හයිට් 120) දක්වා ළඟා විය හැකිය.
උෂ්ණත්වය ඉහළයාම පාකිස්තානයේ විදුලිය බිඳ වැටීමට හේතුවිය හැකි අතර එය මිනිසුන්ට උෂ්ණත්වයට මුහුණ දීම දුෂ්කර කරණු ඇත.
ඉන්දීය කාලගුණ විද්යා ඒජන්සියට අනුව, මිලියන 16 කට වඩා වැඩි ජනගහනයක් සිටින අගනුවර වන දිල්ලි හි උපරිම උෂ්ණත්වය මේ මාසයේ අවම වශයෙන් තුන් වතාවක් සෙල්සියස් අංශක 40 (ෆැරන්හයිට් 104) ඉක්මවා ඇති අතර වයඹදිග රාජස්ථාන් ඇතුළු අසල්වැසි ප්රාන්ත කිහිපයකම මෙම දැඩි උණුසුමට මුහුණ දී ඇති අතර, එහි කම්කරුවන් සහ ගොවීන් උෂ්ණත්වය දරා ගැනීමට අරගල කරන අතර රෝගාබාධ පිළිබඳ වාර්තා මතුවීමට පටන් ගෙන තිබේ.
මෑත දශක කිහිපය තුළ ඉන්දියාවේ සහ පකිස්ථානයේ අධික තාපය හේතුවෙන් දස දහස් ගණනක් මිනිසුන් මිය ගොස් ඇති අතර, 2050 වන විට ඉන්දියාව උණුසුම්ම රට බවට පත්වනු ඇති බවට දේශගුණික විශේෂඥයින් අනතුරු අඟවා ඇත.
